Toshkent viloyatining Yangiyo‘l tumanida “yoshlar daftari”ga kiritilgan 100 nafar fuqaroga subsidiya asosida texnikalar topshirildi. Bu haqda “Daryo”ga tuman hokimligi axborot xizmati xabar berdi.
Ta’kidlanishicha, Yangiyo‘l tumanida hozirgi vaqtda jami 43 265 nafar yoshlar mavjud bo‘lib, ular birinchi sektorda 11855 nafarni, ikkinchi sektorda 12 609 nafar, uchinchi sektorda 8 248 nafar, to‘rtinchi sektorda 10 553 nafar yoshlarni tashkil etadi.
“Yoshlar daftari”da bo‘lgan 100 nafar yoshlarga 45 ta motokultivator, 32 ta tikuv mashinasi va 16 ta maxsus dazmol, 6 ta payvandlash uskunasi, 3 ta noutbuk, 8 ta qurilish anjomlari sektor rahbarlari ishtirokida yoshlarga topshirildi, — deydi tuman hokimligi axborot xizmati mas’uli
Bildirilishicha, ushbu texnikalar uchun Toshkent viloyati Yoshlar jamg‘armasi mablag‘lari hisobidan 1 milliard so‘m mablag‘ ajratilgan.
Mazkur mablag‘lar hisobidan shuningdek, 188 nafar bolaga bir martalik moddiy yordam ham berilgan. 17 nafar yoshga kontrakt pullari to‘lab berilgan. 2 nafar yoshga haydovchilik guvohnomasi va 28 nafariga safarbarlik chaqiruv rezervi harajatlari uchun pul mablag‘lari yo‘naltirilgan, — deydi hokimlik mas’ullari.
Izoh (0)