Gollivudning yulduzli juftligi naqd to‘lovni amalga oshirgandan bir necha oy o‘tgach, 30 yillik ipoteka asosida uy sotib olishga qaror qildi. Ekspert Jennifer Lopes va Ben Afflekning harakatlarini baholadi.
.jpg)
Xonanda va aktyor may oyida o‘zlari orzu qilgan uyini sotib oldi. Janubiy Kaliforniyadagi Uollingford mulki deb nomlangan qasrning narxi 60,85 million dollarni tashkil etadi. Ma’lum bo‘lishicha, juftlik dastlabki naqd to‘lovdan keyin 20 million dollarga ipoteka krediti olgan.
Lopes va Afflek oilaviy yashaydigan uyni biznes menejerlari Gari Kress va Brayan Merfi tomonidan boshqariladigan ishonchli fond orqali sotib oldi. Bitimdan bir necha oy o‘tgach, Jennifer va Ben JPMorgan Chase Bankz’dan 30 yillik ipoteka kreditini tanladi.
12 ta yotoqxonali, 24 ta hammomli uyning ipotekasi dastlabki olti yil uchun 5,5 foizli stavkaga ega bo‘ladi. Asosiy qarz va foizlarni to‘lashning taxminiy boshlanish sanasi 2033-yilning noyabr oyiga to‘g‘ri keladi.
Lopes va Afflekning ipoteka kreditini Los-Anjelesda joylashgan Ruby Home Luxury Real Estate kompaniyasi bosh direktori Toni Mariotti baholadi. Mutaxassis bu qarorni “oqilona moliyaviy harakat” deb atadi.
Mariotti ta’kidlaganidek, yulduzli juftlik aql bilan ish tutgan. “Ko‘chmas mulk garovi krediti foiz stavkasi bo‘yicha oddiy iste’mol kreditiga nisbatan pastroq. Bundan tashqari, foizlar ham soliqqa tortilmaydi. Ular mablag‘larni xohlagancha ishlatishi mumkin”, — deya tushuntirgan Toni.
Hashamatli mulk bo‘yicha ekspert Daily Mail’ga bu kelishuvni “boy insonlarning soliq imtiyozlari bo‘yicha keng tarqalgan taktikasi” deb ta’rifladi.
Uy ilk marta 2018-yilda sotuvga qo‘yilgan. O‘sha paytda uyning qiymati 135 million dollar bo‘lgan, biroq bu yil qayta ro‘yxatga olinganida bu narx deyarli ikki barobarga kamaydi.
Uy besh gektar maydonda joylashgan bo‘lib, hududda asosiy uydan tashqari xizmatchilar va qo‘riqchilar uchun uylar, mehmonlar uchun uy, 12 ta mashinaga mo‘ljallangan garaj mavjud. Uydan uncha uzoq bo‘lmagan joyda 80 ta o‘ringa ega qo‘shimcha avtoturargoh bor — u yerda katta ziyofatlar ham bo‘lib o‘tadi.
Juftlikning ixtiyorida soch turmaklash va manikyur saloni, uy kinoteatri, vino yerto‘lasi, viski bar, shuningdek, sauna va massaj xonalari mavjud. Katta suzish havzasi asosiy uyning orqasida joylashgan. Hududga ikkita alohida kirish joyi mavjud.
Ular Uollingford mulkini sotib olishdan oldin Lopesning Kaliforniya shtatida joylashgan Bel Air yaqinidagi uyida yashagan. Ben va Jennifer oilaviy yashaydigan uyni qidirish uchun bir yildan ko‘proq vaqt sarfladi.
Izoh (0)