Toshkentning ayrim hududlarida 13-oktyabr kuni elektr energiyasi ta’minoti vaqtincha to‘xtatiladi. Bu haqda “Hududiy elektr tarmoqlari” matbuot xizmati xabar berdi.
Qayd etilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish, kuz-qish mavsumiga puxta tayyorgarlik ko‘rish maqsadida quyidagi manzillarda elektr taʼminoti vaqtincha o‘chiriladi:
- Mirzo Ulug‘bek tumani — “Gulzorobod” MFYning ayrim ko‘chalarida soat 09:00 dan 16:00 gacha;
- Sergeli tumani — “Yangihayot” MFYning ayrim ko‘chalarida soat 09:00 dan 16:00 gacha.
Ta’kidlanishicha, ta’mirlash ishlari belgilangan vaqtdan avvalroq yakunlanishi mumkin.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Shuningdek, taʼmirlash ishlari tufayli Toshkent shahar Mirzo Ulug‘bek tumanining qator hududlariga 13-oktyabr kuni tabiiy gaz yetkazib berish vaqtincha to‘xtatiladi.
10:00 dan 18:00 gacha — “Darhon” MFY Ko‘xusim ko‘chasi:
- aholi xonadonlari soni – 24 ta.
14:00 dan 18:00 gacha — Sho‘rtepa, Mohlaroyim, Binokor, Jasorat, Uzumzor, Sh.Burxonov, Oyishaxonim, Turon, Gulnor va Sarband ko‘chalari
- aholi xonadonlari soni – 582 ta;
- ulgurji isteʼmolchilar soni – 13 ta.
Avvalroq Bektemir va Uchtepa tumanlarida tabiiy gaz yetkazib berish, shuningdek, Sergeli va Bektemir tumanlarida elektr energiyasi ta’minoti vaqtincha to‘xtatilishi to‘g‘risida xabar berilgandi.
Izoh (0)