C vitamini organizmda to‘qimalarni saqlashga va yoshartirishga yordam beradi. Immunitet tizimini mustahkamlaydi va temirning so‘rilishini rag‘batlantiradi. Shamollash va grippga qarshi kurashda foydali hisoblanadi. Ayollar uchun tavsiya etilgan kunlik C vitamini miqdori 75 mg, erkaklar uchun 90 mg. Tabiatning o‘zidan ushbu vitaminga boy mahsulotlarni iste’mol qiling va sog‘lom bo‘ling.
![](/static/2023/12/Vegetables_Fruit_Spi.jpg)
Guava
![](/static/2023/12/photo_2023-10-13_12-01-12.jpg)
Bu noyob tropik meva ro‘yxatimizda birinchi o‘rinni egalladi. Uning tarkibida apelsindan 5 barobar ko‘proq C vitamini bor. Uning ta’mi nordon va yarim stakan guava sharbati tarkibida 188 mg C vitamini va atigi 56 kkal kaloriya mavjud.
Qizil bulg‘ori qalampiri
![](/static/2023/12/photo_2023-10-13_12-01-16.jpg)
Faqat sitrus mevalardagina C vitamini mavjud, deb o‘ylaganlar yanglishadi. Bulg‘ori boshqa vitaminlarni ham o‘z ichiga oladi, jumladan, A vitamini. Yarim stakan yangi to‘g‘ralgan bulg‘orida 142 mg C vitamini va 20 kkal bor. Pishirilgan bulg‘orida esa 116 mg C vitamini bo‘ladi, shuning uchun ularni pishirmay iste’mol qilish tavsiya etiladi.
Kivi
![](/static/2023/12/photo_2023-10-13_12-01-19.jpg)
Bir dona o‘rtacha kivi mevasida 70 mg B vitamini va 46 kkal mavjud.
Apelsin
![](/static/2023/12/photo_2023-10-13_12-01-23.jpg)
So‘nggi paytlarda hamma uchun eng mazali va sevimli mevalardan biri. Bir dona o‘rta apelsin tarkibida 70 mg C vitamini va 62 kkal mavjud. Uning 180 ml sharbatida 61 dan 93 milligrammgacha C vitamin va 79 dan 84 kkalgacha beradi.
Yashil bulg‘or qalampiri
![](/static/2023/12/photo_2023-10-13_12-01-26.jpg)
Kichik yashil bulg‘ori po‘stlog‘ida 60 mg C vitamini va 15 kaloriya bor. Pishganida u faqat 51 mg C vitaminini saqlab qoladi.
Greypfrut sharbati
![](/static/2023/12/photo_2023-10-13_12-01-30.jpg)
Greypfrutning yarmida 39 mg C vitamini va 52 kkal mavjud. Ko‘proq foyda olish uchun bu mevaning sharbatini ichish tavsiya etiladi. 180 ml greypfrut sharbati 50-70 mg C vitamini va 71-86 kkal beradi.
Sabzavot sharbati
![](/static/2023/12/photo_2023-10-13_12-01-34.jpg)
Yangi siqilgan sabzavot sharbati aralashmalari ko‘p miqdordagi vitamin va ozuqa moddalarini o‘z ichiga oladi, shu jumladan, C vitaminini ham. Agar sharbat pomidorga asoslangan bo‘lsa, unda jiddiy kasalliklar, jumladan, saraton bilan kurashishga yordam beradigan antioksidant bo‘lgan likopenning yaxshi qismini qabul qilish mumkin. 180 ml sabzavot sharbatida 50 mg C vitamini va 34 kkal mavjud.
Qulupnay
![](/static/2023/12/photo_2023-10-13_12-01-37.jpg)
Bu rezavor kletchatka va antioksidantlarning muhim manbayi, shu jumladan, C vitaminining ham. Yarim stakan qulupnayda 49 mg C vitamini va 27 kkal mavjud.
Bryussel karami
![](/static/2023/12/photo_2023-10-13_12-01-41.jpg)
Bu foydali sabzavotning bitta kamchiligi bor – u bolalar uchun mos kelmaydi, lekin o‘smirlar va kattalar uchun bu ajoyib tanlov. Darhaqiqat, 100 gramm Bryussel karamida 48 mg C vitamini, 300 mkg noyob K vitamini va atigi 28 kkal mavjud.
Qovun
![](/static/2023/12/photo_2023-10-13_12-01-44.jpg)
O‘rtacha qovunning to‘rtdan bir qismi 47 mg C vitamini va 51 kaloriya beradi.