Toshkent shahar Mirzo Ulug‘bek tumanining ayrim hududlariga tabiiy gaz yetkazib berish vaqtincha to‘xtatiladi. Bu haqda “Hududgaz Poytaxt” xabar berdi.
Ma’lum qilinishicha, taʼmirlash ishlari tufayli tumanning “Ijodkor” MFY Milliy bog‘ ko‘chasiga 11-oktyabr kuni soat 10:00 dan 18:00 ga qadar tabiiy gaz yetkazib berish vaqtincha to‘xtatiladi:
- aholi xonadonlari soni — 1959 ta;
- ulgurji isteʼmolchilar soni — 20 ta.
Taʼmirlash ishlari tugatilgandan so‘ng, tabiiy gaz taʼminoti qayta tiklanadi. Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.
Shuningdek, 11-oktyabr kuni Uchtepa va Chilonzor tumanlarining ayrim hududlarida elektr energiyasi vaqtincha o‘chiriladi. Eslatib o‘tamiz, 5-oktyabr kuni Toshkent shahrining to‘rt tumani — Yakkasaroy, Yunusobod, Bektemir va Sergeli tumanlarining ayrim hududlariga tabiiy gaz yetkazib berish vaqtincha to‘xtatilgandi.
Izoh (0)