Nilufar Allabergenova Yakkasaroy tumani hokimi lavozimiga tayinlandi. Bu haqda tuman hokimligi matbuot xizmati xabar berdi.
.jpg)
Nilufar Allabergenova 2019-yildan shu kunga qadar Yakkasaroy tumani prokurori sifatida faoliyat yuritib kelayotgan edi.
Ma’lumot uchun, Nilufar Allabergenova 1971-yilda Toshkent shahrida tug‘ilgan. 1995-yilda Toshkent davlat yuridik institutini tamomlagan. Qator mas’uliyatli vazifalarda, shu jumladan, turli yillarda Yashnobod, Chilonzor va Mirzo Ulug‘bek tumanlarida prokuror o‘rinbosari lavozimlarida ishlagan.
Eslatib o‘tamiz, 2019-yil sentyabr oyidan beri Yakkasaroy tumani hokimi lavozimida ishlab kelgan Anvar Sayfutdinov bir necha kun oldin Mirobod tumani hokimi lavozimiga tayinlangan edi. Sentyabr boshlarida u tumandagi mavjud 21 ta mahalla masʼullari bilan uchrashishni boshlagandi.
Izoh (0)