Jo Bayden Isroilga qo‘shimcha harbiy yordam berish bo‘yicha qaror qabul qildi — Oq uy

Amerika Qo‘shma Shtatlari Isroilning qo‘shimcha harbiy yordam bo‘yicha so‘rovini ko‘rib chiqdi va yordam berish bo‘yicha qaror qabul qildi.

Oq uyning ma’lum qilishicha, AQSH prezidenti Jo Bayden Isroilga qo‘shimcha harbiy yordam berish bo‘yicha topshiriq bergan.

Avvalroq AQSH davlat kotibi Entoni Blinken CNN telekanaliga bergan intervyusida bu boradagi qaror tez orada qabul qilinishi haqida aytib o‘tgandi.

7-oktyabr kuni ertalab HAMAS kuchlari Isroilga hujum boshladi. HAMAS a’zolarining aytishicha, Isroil shaharlariga besh mingta raketa uchirilgan, bir necha o‘nlab qurolli kuchlar Isroilning G‘azo sektori bilan chegaradosh aholi punktlariga kirib borgan. 

Bu harakatlarga javoban Isroil ham G‘azo sektoriga aviazarbalar bermoqda. Isroil bosh vaziri Binyamin Netanyaxu mamlakat urush holatida ekanini aytdi.