Xanchjou—2022 XIX yozgi Osiyo o‘yinlari 3-oktabr, seshanba kuni davom ettirilmoqda.
Boks bo‘yicha Rio—2016 Olimpiadasi chempioni Hasanboy Do‘stmatov g‘alabali yurishini davom ettirmoqda.
-51 kg vazn toifasida ishtirok etayotgan Hasanboy chorak finalda pokistonlik Zohayb Rashidni musobaqadan chiqarib yubordi. Ushbu natija orqali Do‘stmatov musobaqa medalini naqd qildi. Endi u final uchun yaponiyalik Tomoya Tsuboiga qarshi jang qiladi.
O‘zbekistonlik bokschi musobaqadagi ilk jangida janubiy koreyalik Sexeong Joga qarshi ringga ko‘tarilib, 2-raundda muddatidan avval g‘alaba qozongandi. Ikkinchi jangda esa qozog‘istonlik Saken Bibossinov ustidan zafar quchgandi.
Izoh (0)