Rossiyaning Krasnoyarsk shahrida Ukrainadagi urushdan qaytgan “Vagner” sobiq yollanma askari odamlar bo‘lgan uyga o‘t qo‘ydi. Oqibatda ikki kishi halok bo‘ldi. Bu haqda “Korrespondent” xabar berdi.
Hodisa Yermakovskoye qishlog‘ida 3-oktyabrga o‘tar kechasi sodir bo‘lgan. Sobiq vagnerchi yoqib yuborgan uy Lenin ko‘chasida joylashgan. Qo‘shnilar o‘t o‘chiruvchilarni chaqirgan. Qutqaruvchilar yonayotgan uydan uy egasi va uning qizining jasadini topgan.
ASTRA Telegram kanali xabariga ko‘ra, “Vagner” tarkibida Ukrainaga qarshi jang qilgan va 2023-yil may oyida Rossiyaga qaytib kelgan 31 yoshli erkak o‘t qo‘yishda gumonlanib qo‘lga olingan. U allaqachon qasddan badanga og‘ir shikast yetkazganlikda ayblanib sudlangan. Rossiya huquq-tartibot idoralari xodimlari qotillik bo‘yicha jinoiy ish qo‘zg‘atgan.
Izoh (0)