Nepal g‘arbida 3-oktyabr kuni 6,3 va 5,3 magnitudali ikkita zilzila sodir bo‘ldi. Oqibatda 17 kishi jarohatlandi. Bu haqda Reuters xabar berdi.

Yer silkinishlari Hindiston bilan chegaradosh Bajang tumanidagi katta magistralni to‘sib qo‘ygan ko‘chkiga sabab bo‘lgan. Yarim soat ichida birin-ketin sodir bo‘lgan zilzilalar oqibatida turar joy binolari va yo‘llar vayron bo‘lgan.

Zilzila episentrlari Talkot va Cheynpur hududlarida joylashgan bo‘lib, ular 600 kilometrdan ortiq masofada joylashgan. Ta’kidlanishicha, 17 kishi — o‘n bir nafar ayol va erkaklar turli darajadagi tan jarohatlari olib, mahalliy shifoxonalarga yotqizilgan. Jabrlanganlardan biri ustiga og‘ir narsa tushishi oqibatida yaralangan.

Yana bir ayol bedarak yo‘qolgan. Taxminlarga ko‘ra, uni ko‘chki bosgan. Nepal hukumati hozircha qidiruv-qutqaruv operatsiyasi haqida e’lon qilgani yo‘q.