Farg‘onada 1 milliard 406 million so‘mlik dori vositalari va tamaki mahsulotlarining noqonuniy aylanmasi fosh etildi, deb xabar beradi Davlat bojxona qo‘mitasi matbuot xizmati.
Qayd etilishicha, Farg‘ona viloyati bojxona boshqarmasi Kontrabandaga qarshi kurashish bo‘limi xodimlari viloyat DXX xodimlari bilan hamkorlikda Dang‘ara tumanida tezkor tadbir o‘tkazgan.
Tadbir davomida fuqaro T.V. xonadonida noqonuniy saqlanayotgan, xorijda ishlab chiqarilgan, bojxona rasmiylashtiruvidan o‘tganini tasdiqlovchi tegishli hujjatlari bo‘lmagan, umumiy qiymati 1 milliard 406 million so‘mlik 292 mingdan ziyod sifati kafolatlanmagan dori vositalari va 30 ming quti aksiz markalari bo‘lmagan tamaki mahsulotlari borligi aniqlangan.
Hozirda mazkur holat yuzasidan tergovga qadar tekshiruv harakatlari olib borilmoqda.
Bundan oldin Sirdaryoda 1,8 milliard so‘mlik tamaki va dori vositalarining noqonuniy aylanmasi fosh etilgandi. Avgust boshlarida esa Namanganda 550 million so‘mlik dori vositalari yo‘q qilingani, O‘zbekiston aholisi ehtiyoji uchun Ukraina kompaniyasi ishlab chiqaradigan yuqori sifatli dorilar yetkazilishi to‘g‘risida xabar berilgandi.
Izoh (0)