Yevropa Ittifoqi yil oxirigacha 2024-yilda Ukrainaga 5 milliard yevro miqdorida harbiy yordam ajratish bo‘yicha kelishib olishi kutilmoqda.
Bu haqda Yevropa Ittifoqi diplomatiyasi rahbari Josep Borrel Kiyevda 27 mamlakat tashqi ishlar vazirlarining norasmiy uchrashuvi yakunlari bo‘yicha o‘tkazilgan matbuot anjumanida ma’lum qildi.
“Men Yevropa Tinchlik Jamg‘armasi doirasida kelasi yil uchun Ukrainaga 5 milliard yevro miqdorida yangi harbiy yordam paketini taklif qildim. Umid qilamanki, yil oxirigacha — YI davlatlari o‘z budjetlarini tasdiqlaydigan vaqtgacha kelishuvga erishamiz”, — dedi u.
“Yevropa Ittifoqi Kiyev bilan mudofaa sanoati, minalardan tozalash va dezinformatsiyaga qarshi kurashda hamkorlikni rivojlantiradi”, — deya qo‘shimcha qildi Borrel.
Izoh (0)