• Profilga Kirish
  • 1744009905_435.svg 1744009905_642.svg

  • So‘nggi yangiliklar
  • Asosiy yangiliklar
  • Eng ko‘p o‘qilgan
  • Kolumnistlar
Ўзбекча
Русский
English
  • O'zb
  • Ўзб
  • Рус
  • Eng
  • O'zb
  • Ўзб
  • Рус
  • Eng
  • So‘nggi yangiliklar
  • Asosiy yangiliklar
  • Eng ko‘p o‘qilgan
  • Kolumnistlar
    • USD12559.26
    • RUB160.17
    • EUR14413.01
    • Google play
    • App Store
    • Telegram
    • Toshkentda
      +24°C
      • Andijon
      • Qarshi
      • Buxoro
      • Samarqand
      • Farg‘ona
      • Sirdaryo
      • Jizzax
      • Termiz
      • Namangan
      • Toshkent
      • Navoiy
      • Toshkent vil
      • Nukus
      • Urganch
    • Daryo
      • Internet-nashr
      • Tahririyat haqida
      • Aloqa ma'lumotlari
      • Foydalanish shartlari
      • Maxfiylik siyosati
      • Yangiliklar arxivi
    • Reklama
    • Ijtimoiy tarmoqlar
      • Instagram | Rasmiy
      • Instagram | Lifestyle
      • Instagram | Sport
      • Facebook | Rasmiy
      • OK | Rasmiy
      • YouTube | Daryo
      • YouTube | Daryo Rus tilida
      • YouTube | Daryo Global
    Telegram Youtube Facebook Instagram Twitter vkontakte
    Daryo logo white
    • O‘zbekiston
      • Boshqalar
      • Navoiy
      • Toshkent viloyati
      • Sirdaryo
      • Jizzax
      • Qashqadaryo
      • Surxondaryo
      • Xorazm
      • Buxoro
      • Samarqand
      • Namangan
      • Farg‘ona
      • Andijon
      • Qoraqalpog‘iston
      • Toshkent sh.
      • Mehridaryo
      • Ob-havo
    • Markaziy Osiyo
      • O‘zbekiston (Mahalliy)
      • Afg'oniston
      • Qirg‘iziston
      • Qozog‘iston
      • Turkmaniston
      • Tojikiston
    • Dunyo
    • Pul
      • Biznes
      • Iqtisodiyot
      • Moliya
      • Kripto
    • Madaniyat
      • Kino
      • Kitob
      • Musiqa
      • Shou-biznes
    • Layfstayl
      • Ayollar sahifasi
        • Farzand
        • Go‘zallik
        • Karyera
        • Maslahatlar
        • Moda
        • Retseptlar
      • Texnologiyalar
        • Arxitektura
        • Gadjetlar
        • Ilm-fan
        • Koinot
        • Media
      • Avto
      • Qo‘ziqorin
      • Sayohat
      • Salomatlik
      • Ta’lim
        • Abituriyent
        • Ingliz tilini o’rganamiz
    • Sport
      • Futbol
      • UFC
      • Boks
    infinix
    Daryo.uz - Login
    Daryo.uz Daryo.uz
    Daryo.uz - Login
    Shou-biznes

    “Million” sabab teatrdan quvilgan, og‘ir kasallikni boshdan kechirgan va Instagram’dagi reklama ortidan uyli bo‘lgan Feruza Normatova 34 yoshda (foto, video)

    Keyingi paytlarda professional ijodda kamnamo bo‘lib, asosiy eʼtiborini vaynerlik faoliyatiga qaratayotgan aktrisa Feruza Normatova 34 yoshni qarshiladi. Xo‘sh, u nega sanʼat yo‘lini tanlagan va shu kungacha qanday qiyinchiliklarni boshdan kechirgan?

    Raqqosalikdan boshlangan ijod

    Foto: Instagram /@feruzanormatova

    Aktrisa Feruza Normatova 1989-yilning 27-sentyabrida Sirdaryo viloyatining Baxt shahrida dunyoga kelgan. U oilada to‘ng‘ich farzand, uning ikki singlisi va bir ukasi ham bor. U Baxt shahridagi 14-maktabda tahsil olib, 2005-yili Toshkent Madaniyat kollejiga o‘qishga kiradi. Toshkentda yashab o‘qish yosh aktrisaga oson kechmaydi. Shu bois u ijodini raqqosalikdan boshlaydi. Ammo hech bir intervyusida bu haqda aytib o‘tmagan.

    Uni aktrisa sifatida kashf etolmagan rollar

    Instagram /@feruzanormatova

    Aktrisa 2008-yili kollejni tamomlab, O‘zbekiston davlat sanʼat va madaniyat institutiga o‘qishga qabul qilinadi. To‘rt yil mobaynida mahoratli pedagog Jo‘ra Mahmudov rahbarligida tahsil olib, o‘qishdan tashqari, kliplarda kichik rollarni ijro etadi. Institutni tamomlagan yili “Shu yetmay turuvdi” nomli filmga taklif etishadi. Aktrisa 2018-yilga qadar turli-tuman rollarni ijro etadi. Ammo ularning hech biri uni aktrisa sifatida kashf etmaydi. Odamlarga qiyofasi tanish bo‘lsa-da, birorta roli unga muvaffaqiyat keltirmaydi.

    “Bunday rolni ijro etmang”

    2018-yili aktrisani “Fitna” serialiga taklif etishadi. U turmush o‘rtog‘iga xiyonat qiladigan kelinchak rolini mohirlik bilan ijro etadi.

    Foto: Instagram /@feruzanormatova

    — Bu rol uchun juda ko‘p tanqidlar eshitganman. “Uni bekor ijro etibsiz, hali turmushga chiqmay turib bunday rolni ijro etmang”, deganlar ham bo‘lgan. Men hech bir rolimda o‘zimni ijro etmayman. Ustozlarimiz aktrisa misoli plastilin, rolga moslashib ketishi kerak, deb o‘rgatishgan, — deydi aktrisa Feruza Normatova.

    “Ijodimdan ko‘nglim to‘lmasdi”

    Ijodni boshlagan yillari Feruza Normatova ham ko‘plab moliyaviy qiyinchiliklarga uchragan. Chunki u paytda aktrisaga beriladigan gonorar u qadar ko‘p emasdi. Shu bois u ham boshqa hamkasblari singari to‘y xizmatlariga chiqishga majbur bo‘ladi.

    Foto: Instagram /@feruzanormatova

    — Ijodda nimalardir qilishga, o‘z o‘rnimni topishga harakat qilardim, ammo hech ko‘nglim to‘lmasdi. Institutni tamomlagan yilim O‘zbek davlat drama teatriga ishga kirdim. Ammo u yerda uzoq vaqt ishlolmadim. Undan keyin “Diydor” teatr studiyasiga ishlashga bordim. U yerdagi muhit o‘zgacha edi. Rahmatli Bahodir Yo‘ldoshevdan juda ko‘p narsalarni o‘rgandim, — deydi Feruza Normatova.

    “Uyalaman, bu rolni ijro etolmayman”

    Aktrisa teatrdagi faoliyatidan tashqari, to‘y xizmatlarida ham boshlovchilik qilardi. Uning ijodiga befarq bo‘lmagan Davron Kabulov uni “Million” jamoasiga taklif etadi.

    Foto: Instagram /@feruzanormatova

    — Komik rollarni ijro etganman, ammo jamoada ishtirok etishga biroz ikkilanganman. “Siz uddalay olasiz”, deyishganidan keyin ishonchni oqlash uchun beshta konsert uchun shartnoma tuzganmiz. Gonorar summasi yuqori edi. Maʼruf Nosirovning taklifi bilan shevada gapiradigan ayol obrazi paydo bo‘lgan. O‘sha paytda to‘ylarda chirpirak bo‘lib o‘ynaydigan raqqosaning videolari ijtimoiy tarmoqlarda tarqalgandi. Avvaliga bu rolni ijro etishni istamaganman. “Uyalaman, buni ijro etmolmayman”, deganimda jamola aʼzolari “Siz orqali shunday raqqosalarga ko‘zgu tutamiz”, deb arang ko‘ndirishgan. Ammo sahna ko‘rinishlari kutilganidan ham aʼlo darajada qarshilangan, — deydi aktrisa Feruza Normatova.

    Teatr yoki “Million”

    Aktrisaga “Million” jamoasidagi ishtiroki omad olib keldi. Ammo jamoadagi ishtiroki “Diydor” teatr studiyasi rahbari, rejissor Bahodir Yo‘ldoshevga yoqmadi. Unga jamoa yoki teatrni tanla, degan shart qo‘yildi.

    Foto: Instagram /@feruzanormatova

    — Bahodir Yo‘ldoshev tartibni yaxshi ko‘radigan inson edi. Afsuski, men bir necha marta repititsiyalarga kechikib borgandim. Teatrdagi ijodiy muhitni yaxshi ko‘rardim, ammo moliyaviy jihatni o‘ylaganda jamoadagi ishtirokim ham yoqardi. Oilaning to‘ng‘ich farzandiman, uka-singillarimni o‘qitish uchun men ham harakat qilishim kerak edi. Shu bois teatrdan ketishga majbur bo‘ldim, — deydi aktrisa Feruza Normatova.

    “Unga hech qanday dushmanchiligim yo‘q” 

    Durdona Qurbonova va Feruza Normatova “Million” jamoasidagi ishtirokidan so‘ng, bir-biri bilan arazlashib qolgan. Durdona Qurbonova hamkasbi bilan o‘rtasidagi kelishmovchilikni quyidagicha izohlagan.

    Foto: Kollaj

    — Nega munosabatimiz yaxshi emasligini u aktrisadan so‘rash kerak. O‘sha paytda o‘rtamizda har xil gap-so‘zlar bo‘lgan, hozir hammasiga to‘g‘ri qarayman. Atrofdagi insonlar hadeb itaraverishsa, unga talpinavermaysiz-ku. Bundan tashqari, salomga yarasha alik olinadi. U aktrisa ham muomalasiga yarasha javob olgan. Lekin hozirgi kunda ularga nisbatan dushmanchiligim ham, ortiqcha gapim ham yo‘q, — degan aktrisa Durdona Qurbonova.

    “ ‘Million’dan ketishimning asosiy sababi...” 

    Feruza Normatova “Million” jamoasida uzoq vaqt faoliyat yuritmaganining sababini quyidagicha izohlaydi.

    Foto: Instagram /@feruzanormatova

    — “Million” jamoasi bilan 5 yillik shartnoma tuzgan edik, to‘g‘rirog‘i 5 yil emas, 5 ta konsertga shartnoma tuzilgandi. Men bu konsertlardan 3 tasida qatnashdim, yana 2 ta konsert qolgan edi, uyoqda faoliyatimni to‘xtatishga majbur bo‘ldim.

    Jamoadan ketishimga har xil sabablar bor, aynan bitta yaxlit sabab yo‘q. Men “Mendirman Jaloliddin” seriali syomkasi uchun Turkiyaga ketdim, mart oyida karantin bo‘lib qoldi, qaytolmadim, repetitsiyaga qatnasholmadim, boshqa qizlar bilan repetitsiyalar davom etdi. Men noyabrda keldim, konsert dekabrda edi, ulgurishim mumkin edi, lekin serialni davomiga ham ketishimiz kerak edi. Vaqt masalasi va serial syomkalaridan bo‘sholmay qolib, tushunmovchilik bo‘lmasligi uchun ketishga qaror qildim va ular bilan kelishib oldim.

    Ketishimda moliyaviy jihatdan muammo bo‘lmadi, agar men konsertda chiqib, gonorarimni berishmagan bo‘lsa, aytishim mumkin edi, lekin menda bunday muammo yuzaga kelmagan.

    Men “Million”da chiqishni boshlaganimdan keyin, ijodimda “Million”ga ko‘proq urg‘u qaratila boshlandi, men aktrisaman, u yerda ham aktrisa edim, lekin u yerda faqat bitta janr — komediya, lekin mening dramatik tomonlarim ham bor, men baribir bu yo‘lda ham ijod qilishim kerak. Aktrisalik jihatlarimni kuchaytirishim, o‘z ustimda ishlashim kerak. Shu sababdan “Mendirman Jaloliddin”ni tanladim.

    Davron aka mening serial kastingidan o‘tganimni eshitib, juda xursand bo‘lgandilar, javobi chiqmasdan oldin ham xabardor bo‘lib, so‘rab turdilar. Butun jamoamiz xushxabarni eshitib xursand bo‘lishdi. “Iye, endi konsert nima bo‘ladi?” ham deyishdi. Lekin men uchun “Mendirman Jaloliddin” tarixiy seriali yaxshi loyiha ekanligini taʼkidlab, qo‘llab-quvvatlashgan, — deydi aktrisa Feruza Normatova.

     “Turkiyada ahvolim og‘irlashdi”

    Aktrisa “Mendirman Jaloliddin” serialida O‘tror hokimi Inolchixonning qizi rolini ijro etgan. Ammo serialning suratga olish jarayonlari karantin vaqtiga to‘g‘ri kelgani uchun ijodiy jamoa uzoq muddat Turkiyada qolib ketadi. O‘sha vaqtda aktrisa og‘ir kasallikka chalingani maʼlum bo‘ladi.

    Foto: Instagram /@feruzanormatova

    — Ahvolim nihoyatda yomonlashdi, koronavirusdan ham og‘irroq kasallikka chalindim. Turkiyalik shifokorlar tekshiruvdan o‘tkazib, jigarim hastalangani va bunga ovqatdan zaharlanish sabab bo‘lgani haqida aytishdi. Kasallikning yashirin davri olti oy yoki bir yil bo‘lar ekan. Turkiyada emas, balki O‘zbekistonda zaharlangandirman, degan hayolga ham bordim. Ko‘p hollarda bu zaharlanish qo‘ziqorindan bo‘lar ekan. Kasal bo‘lmasimdan avval qahva va energetik ichimliklarni yaxshi ko‘rardim. Shifokorlar ikkisini butunlay cheklashdi. Bu men uchun yanada og‘ir edi. Hayriyatki, hammasi tez orada iziga tushib ketdi, — deydi aktrisa Feruza Normatova.

    Aktrisa seriallardagi rollaridan voz kechdi

    Aktrisa “Mendirman Jaloliddin” serialining ikkinchi mavsumida suratga tushishni istamaydi. Suratga olish tayyorgarliklari boshlangan vaqtda u “Parixona” serialida ham bosh rolni ijro etayotgandi. Qizig‘i, undagi rolidan ham voz kechadi.

    Foto: Instagram /@feruzanormatova

    — Feruzaning hijobga kirib, rolni tark etishini kutmagandik. Chunki u rolga taklif etilgan paytda bunday qarori borligini aytmagandi. Shundan keyin bor kuchimizni ishga solib, Feruzaning qiyofadoshi bo‘lgan havaskor aktrisani topdik. Endi suratga olish ishlari boshlanadi deb turganimizda u turmushga chiqadigan bo‘lib qoldi. Bo‘lajak turmush o‘rtog‘i esa uning serialda suratga tushishini istamadi. Undan keyin Narminjon taxallusli aktrisa bilan ishlashga qaror qildik. Aslida serial sentyabr oyida efirga uzatilishi kerak edi. Ammo rollardan biriga aktrisa Zarina Nizomiddinovani taklif etganimiz bois efir vaqti yana surildi, — deydi serial rejissori Umid Qo‘chqorov.

    Reklama evaziga uyli bo‘ldi

    Feruza Normatova keyingi paytlarda professional sanʼatda ancha kamnamo. Balki rollar ijro etmayotganining asosiy sababi hijobga kirgani bilan bog‘liqdir. Ammo u o‘ziga hech qanday cheklovlarni qo‘ymagan. Yaʼni ro‘moli sabab omma eʼtiboridan yiroqda bo‘lishga harakat qilmaydi. U o‘z jamoasiga ega instabloger va buning ortidan mo‘maygina mablag‘ topadi.

    Foto: Instagram /@feruzanormatova

    — 2021-yilda yangi turar joy majmualari quradigan kompaniya bilan reklama bo‘yicha shartnoma tuzganman. Shartnoma olti oy muddatga tuzilgan edi. Shunda biz o‘zaro olti oy men ularni reklama qilishga, ular esa xizmat haqqimga uyning yarim pulini olmaslikka kelishdik. Olti oylik reklama xizmati 20 ming dollarga baholandi. Men ikki xonali uy uchun 22 ming dollar pul to‘ladim, uy menga 42 ming dollarga tushdi. Kompaniyaga sahifamda eʼlon qilingan reklama yoqdi va ular keyinchalik yana bir yillik shartnoma tuzishni taklif qildi. Bu safar reklama evaziga yana bitta xonadon olib, ota-onamga sovg‘a qildim, — deydi Feruza Normatova.

    “Umra safarigacha kuzatib borishibdi”

    Aktrisa shu yilning avgust oyida ta’qib qilinayotgani va bu hol uni qo‘rquvga solayotganini maʼlum qilgandi.

    Foto: Instagram /@feruzanormatova

    — Avvaliga bu haqda aytishimni ota-onam istashmagan edi. Atrofimda psixopat insonlar paydo bo‘lib qolgan. Hatto Sirdaryodagi uyimning ham manzilini topib boribdi. Undan keyin Toshkentdagi uyimga ham keldi. Eshikni ochmay, “Kim bu?” desam ismini aytib, gapi borligini aytyapti. Hayronman, u qulfli eshikni qanday ochdi? Eng hayratlanarlisi, u oilam bilan Umra safariga borganimda ham xuddi o‘sha guruh bilan borgan. Aeroportda telefonimning quvvati tugab, bir muddat quvvatlagich oldida turganman. Instagram sahifasini kuzatsam, bir chekkada turib, meni videoga olgan va tarmoqqa joylashtirgan. U ortimdan izma-iz kuzatgan. Turfirma bilan bog‘lansam, men Instagramʼga reklama joylagan kunim joy bron qilgan ekan. Unga nima kerak, hayronman. Yaqinda avtoturargohda tursam bir yigit kelib, “Eshikni oching” deb taʼqib qilgandi. O‘ylab qarasam bu voqealarning bari bir-biriga uzviy bog‘liqdek tuyulyapti. Shu bois aka-ukalarim bilan bir uyda turishga qaror qildim. Meni yolg‘iz deb o‘ylayotganlar adashadi, — deydi aktrisa Feruza Normatova.

    “Singillarimni turmushga berib, keyin oila quraman, degandim”

    Aktrisaning shaxsiy hayoti, nega oila qurmayotgani va Shahzod Sultonov bilan munosabatlari hamma uchun qiziq. Ikki ijodkor ham shunchaki do‘stona munosabatda ekanligi haqida ko‘p aytishadi. Instagram tarmog‘iga esa bir necha marta arazlashib qolishgani va yarashishgani haqida videolar joylashdi.

    Foto: Instagram /@feruzanormatova

    — Alloh nasib etgan kun oila quraman. Qiz bolalar nimani niyat qilsa, shu sodir bo‘lar ekan. Avvaldan uy-joyli bo‘lib, singillarimni turmushga berib, keyin oila qurishni niyat qilardim. Xuddi shunday bo‘lyapti. Muhimi, bolalarim zoriqib qolishini, bugun oila qurib, bir yildan keyin “bir-birimizga mos kelmadik”, deb ajrashib ketishni istamayman, — deydi aktrisa Feruza Normatova.

    02.10.2023, 19:41   Izoh (0)   47029
    Facebook Twitter LinkedIn Telegram Email

    Izoh (0)

    Kirish
    Javob qoldiring Bekor qilish

    Mavzuga doir

    Shahzod Sultonov Feruza Normatovaga uylanayotgani rostmi? Aktyor Ozoda Nursaidovaning klipidan so‘ng avj olgan mish-mishlarga izoh berdi

    18.07.2022, 15:44

    Durdona Qurbonova va Feruza Normatova, Shahzod Sultonov va Shohrux Hamdamov: Jiddiy kelishmovchilik sabab bir filmda suratga tushishni istamaydigan aktyor va aktri...

    13.08.2022, 19:57

    Feruza Normatova Instagram sahifasidagi reklama ortidan “novostroyka”dan ikkita uy olgani haqida gapirdi (video)

    31.01.2023, 12:15

    Instagram: Farzand kutayotgan Yulduz Turdiyeva, Shahzod Sultonovning Feruza Normatovaga syurprizi, ona bo‘lgan Nigina Anorboyeva

    28.09.2023, 22:15

    “Hayot sinovlarida toblandim”. Mag‘lubiyat sabab raqsdan ketgan va oilaviy zo‘ravonlikka uchragan Milena Madmusayeva 35 yoshda (foto, video)

    28.09.2023, 18:58

    Instagram: O‘g‘lini uylantirgan Ulug‘bek Otajonov, Sherali Jo‘rayev haqqiga duo qilgan Botir Qodirov, turkiyalik oshpazga Mercedes sovg‘a qilgan o‘zbekistonlik

    27.09.2023, 22:25
    ×Lightbox Image

    Daryo.uz | Sizning muammoingiz yechimi


    Mikrokreditbank xalqaro moliya institutlari bilan muhim kelishuvlarga erishdi


    “O‘zbekinvest” EISK AJ va Slovakiyaning EXIMBANKA SR o‘rtasida hamkorlik to‘g‘risida bitim imzolandi


    Bekobodda "Biznesni rivojlantirish banki"ning  zamonaviy bank xizmatlari markazi ish boshladi


    Uzbekistan Airways bilan Kuala-Lumpur va Bangkokga sayohatni rejalashtiring


    Buxoro, G‘ijduvon, zindon, misvok va madrasa – 100 savolga 1 javob


    Uzbekistan Airways Seulga kunlik aviaqatnovlarni taklif qiladi


    InfinBank pul o‘tkazmalari geografiyasini kengaytirmoqda


    Investitsiya nima va u insonlarga nima uchun kerak?


    Hyundai Tucson: 24 oyga bo‘lib to‘lash imkoniyati — qulay, tez, foydali


    InfinBank Visa kartalari bilan endi WeChat Pay va Alipay orqali to‘lash mumkin


    InfinBLACK bilan qadimiy shaharlar bo‘ylab sayohatlar


    Acıbadem shifoxonalar tarmog‘ida bolalarda saraton va qon kasalliklarida suyak iligi transplantatsiyasi


    110% grant va xalqaro amaliyotlar: Central Asian University va AKFA Medline University Hospital rezidentura dasturiga qabul davom etmoqda


    Texnologiyaning yangi bosqichi — HUAWEI Mate XT va HUAWEI Mate 70 Pro bilan tanishing


    TBC Bank va Bahodir Jalolov firibgarlarga qarshi jangga chiqdi 

     

    Tavsiya etamiz

    Vashington Tehronga qarshi harbiy kampaniyadan Xitoy va Rossiyani jilovlashda foydalanmoqchimi? Mintaqamizni nimalar kutadi?

    19 iyun, 22:05

    Chelyabinskka qulagan meteorit — 540 kiloli osmon jismi qanday topilgan edi?

    19 iyun, 13:31

    Qariyb yarim asrlik mehnat yoxud Eron qanday qilib raketa derjavasiga aylandi?

    18 iyun, 20:05

    Raddiyaga raddiya: “Yuksalish” harakati va “O‘zsuvtaʼminot” AJ bir-birini yolg‘on maʼlumot tarqatishda ayblamoqda

    17 iyun, 00:10
     
     
     

    So‘nggi yangiliklarga o‘tish

    Britaniyalik ayol eriga giyohvand moddalar sotib olish uchun ish joyidan 260 ming dollar o‘g‘irladi

    Dunyo | 19 iyun, 23:55

    “ChatGPT’dan foydalanish insonning aqliy qobiliyatlarini pasaytiradi” — tadqiqot

    Dunyo | 19 iyun, 23:45

    “AQSH va Eron Isroil hujumlari boshlanganidan so‘ng bevosita muzokaralar olib borgan” — OAV

    Dunyo | 19 iyun, 23:35

    CBS: Tramp Fordodagi uran boyitish markaziga zarba berishi mumkin

    Dunyo | 19 iyun, 23:25

    Klublar o‘rtasidagi JCH. “Palmeyras” “Al-Ahli”ni mag‘lub etdi

    Sport | 19 iyun, 23:15

    Adolat qaror topdi: qashqadaryolik fermerning bank sotib yuborgan haydov traktori qaytarib beriladigan bo‘ldi

    O‘zbekiston | 19 iyun, 23:15

    “Daryo” dayjesti: 19-iyunning eng muhim xabarlari

    O‘zbekiston | 19 iyun, 23:05
    Daryo About Us

    “Daryo” internet-nashrining (O‘zbekiston matbuot va axborot agentligi (O‘zMAA, hozirgi O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi) tomonidan 13.03.2015 yil sanasida 0944-sonli guvohnoma bilan ommaviy axborot vositasi sifatida ro‘yxatga olingan. Matnli materiallarni to‘liq ko‘chirish yoki qisman iqtibos keltirishga, shuningdek, fotografik, grafik, audio va/yoki videomateriallaridan foydalanishga “daryo.uz” saytiga giperhavola mavjud bo‘lgan va/yoki “Daryo” internet-nashrining muallifligini ko‘rsatuvchi yozuv ilova qilingan taqdirda yo‘l qo‘yiladi. Chop etiladigan ba’zi ma’lumotlar 18 yoshga to‘lmagan foydalanuvchilarga mo‘ljallanmagan bo‘lishi mumkin. Info@daryo.uz

    Telegram Youtube Facebook Instagram Twitter vkontakte

    © «Simple Networking Solutions» MChJ, 2013–2025

    Yosh bo‘yicha cheklov

    Xato topdingizmi? Ctrl+Enter’ni bosing

    • Foydalanish shartlari
    • Maxfiylik siyosati
    • Reklama
    Nimani qidiramiz?

    Sign In or Register

    Xush kelibsiz!

    Tizimga kiring yoki Roʻyxatdan oʻting.

    Google

    yoki E-Pochta orqali

    Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadi

    Roʻyxatdan oʻting

    Roʻyxatdan oʻtganmisiz? Login.

    Google

    yoki E-Pochta orqali

    Sizga parol elektron pochta orqali yuboriladi.

    Izoh qoldirishingiz, Foydalanish shartlari va Maxfiylik siyosati shartlarini qabul qilganingizni anglatadi

    Matnda xato topdingizmi?

    ×

    Rahmat. Biz sizning xabaringizni oldik va xatoni imkon qadar tezroq tuzatamiz.