International Beverages Tashkent kompaniyasi (PepsiCo'ning O‘zbekistondagi rasmiy bottleri) jamoasi aziz ustozlarni O‘qituvchi va murabbiylar kuni munosabati bilan samimiy muborakbod etadi! Siz, qadrli insonlarning yosh avlod ta’lim-tarbiyasi yo‘lidagi zahmat va mehnatlaringiz, yurtimiz ravnaqiga qo‘shayotgan beqiyos hissangizni bugun har qancha e’tirof etsak oz!
Har yili O‘zbekistonda 1 oktyabr sanasi dunyodagi eng sharafli kasblardan biri — O‘qituvchi va murabbiylar kuni sifatida keng nishonlanishi ham bejiz emas, aslida. Zero, Siz yoshlarning salohiyat va iste’dodini yuzaga chiqaruvchi, har birimizga to‘g‘ri yo‘l ko‘rsatib, o‘sish va muvaffaqiyatlarga erishishga ko‘maklashuvchi kasb sohiblarisiz.
Ushbu qutlug‘ ayyom munosabati bilan mamlakatimizdagi barcha o‘qituvchi va murabbiylarga chuqur ehtirom bildirgan holda kompaniyamiz maxsus tashkil etilgan konsert dasturining rasmiy hamkori bo‘ldi. Shuningdek, ijtimoiy tarmoqlarda o‘quvchilar fikri bo‘yicha eng yaxshi ustoz va murabbiy uchun ovoz beriladigan maxsus tanlov e’lon qildik. Ushbu tanlov natijalariga ko‘ra, g‘oliblar va ishtirokchilarga qimmatbaho esdalik sovg‘alari taqdim etiladi.
Kasbi ulug‘, qadri baland aziz ustozlar! Sizni yana bir bor go‘zal ayyomingiz bilan qutlaymiz! Kelgusidagi faoliyatingizda muvaffaqiyat va zafarlar yor bo‘lishini tilab qolamiz!
https://www.instagram.com/pepsi_uzbekistan/
Sheriklik huquqi asosida.
Izoh (0)