Fransiya elchixonasi Rossiya raqamlariga ega bo‘lgan avtomobillarni mamlakatga kirishini taqiqlash masalasi o‘rganilayotganini ma‘lum qildi.
“Hozircha Fransiya tomonidan joriy qilingan qoidalar o‘zgarishsiz qolmoqda”, — dedi Fransiya diplomatik missiyasi vakili. Yakuniy qaror qachon qabul qilinishi hozircha noma’lum.
8-sentabr kuni Yevrokomissiya Rossiya fuqarolari Rossiya raqamlariga ega bo‘lgan avtomobillarda Yevropa Ittifoqi hududiga kira olmasligi bo‘yicha tushuntirishni e’lon qildi.
Hozirda Finlyandiya, Estoniya, Litva, Latviya va Polshada Rossiya davlat raqamlariga ega avtomobillarning kirishiga taqiq joriy qilingan. Shuningdek, Chexiyada chegarani kesib o‘tgan Rossiya davlat raqamlariga ega avtomobil qo‘lga olingani xabar berilgandi.
Izoh (0)