“Al-Ittihod” maydon chetiga qo‘yilgan byust tufayli “Sepahon”ga qarshi o‘ynashdan bosh tortdi

Saudiyaning “Al-Ittihod” jamoasi OCHL 2-turidan o‘rin olgan “Sepahon”ga qarshi bahsda maydonga chiqishdan bosh tortdi. 

Bunga sabab, maydonga chiqib kelishda 2020-yilda o‘ldirilgan Eron generali Qosim Sulaymoniy byusti qo‘yilgani bo‘lgan.

Qosim Sulaymon — Saudiya Arabistonida terroristik tashkilot a’zosi hisoblangan va bir necha yil avval Saudiyaga amalga oshirilgan hujumlarda ayblangan. Shu sababli “Al-Ittihod” futbolchilari maydonga chiqishdan bosh tortgan. 

Eslatib o‘tamiz, “Sepahon” va “Al-Ittihod” OCHLning C guruhidan joy olgan. Ushbu guruhda Olmaliqning “OKMK” jamoasi ham o‘rin olgan. Mirjalol Qosimov shogirdlari 2-turdagi o‘z o‘yinlarini “Eyr-Fors”ga qarshi o‘tkazib, 1:2 hisobida imkoniyatni boy berib qo‘ydi.