APL. “Tottenhem” 2 kishi kam bo‘lib o‘ynagan “Liverpul”ni yengdi, “Arsenal” raqibini tor-mor etdi, Manchester klublarida mag‘lubiyat (video)

Futbol bo‘yicha Angliya Premyer Ligasining 7-turidan o‘rin olgan qator bahslar 30-sentabr, shanba kuni bo‘lib o‘tdi.

Turning markaziy o‘yinida “Tottenhem” va “Liverpul” o‘zaro bahs olib bordi va “shporlar” 2:1 hisobida zafar quchdi. Londonliklar safida Son Hyon Min gol urgan bo‘lsa, yana bir gol Joel Matip hisobiga avtogol sifatida yozildi. Mersisaydliklar tarkibida Kodi Gakpo o‘z hisobiga gol yozdirib qo‘ydi. Qayd etib o‘tish joiz, uchrashuvning bir qismini “qizillar” 2 kishi kam bo‘lib o‘tkazdi. Dastlab, 26-daqiqasida Kurtis Jons qizil olgan bo‘lsa, 69-daqiqada Diogu Jota chetlatildi.

“Arsenal” “Bornmut”ni 4:0 hisobida mag‘lub etdi. “Kanonirlar” safida Bukayo Saka, Kay Haverts, Martin Edegor va Ben Uaytlar gol urdi.

“Manchester Yunayted” “Kristal Pelas”ni qabul qildi. Uchrashuvning 25-daqiqasida Anderson tomonidan urilgan gol yagonaligicha qoldi va “Kristal Pelas”ga g‘alaba keltirdi.

“Manchester Siti” safarda “Vulverhempton” mehmoni bo‘ldi. Uchrashuvning 13-daqiqasida Ruben Diash o‘z darvozasiga gol urib qo‘ydi. 58-daqiqada Xulian Alvares muvozanatni tikladi. 66-daqiqada Hvan Hi Chxan “bo‘rilar”ga g‘alaba keltiruvchi golga mualliflik qildi.

30-sentabr kungi bahslardan so‘ng Premyer Liga turnir jadvali quyidagicha ko‘rinish oldi:

APL

7-tur

30-sentabr, shanba

“Tottenhem” — “Liverpul” 2:1

Gollar: 1:0 – 36 Son Hyon Min, 1:1 – 45 Gakpo, 2:1 – 90 Matip (avtogol).

“Tottenhem”: Vikario, Porro, Romero, van de Ven, Udoji (Devis, 83), Meddison (Velis, 90), Bissuma (Hyoyberg, 90), Kulusevski, Sarr (Skipp, 83), Son Hyon Min (Solomon, 69), Risharlison.

“Liverpul”: Alisson, Gomes (Konate, 73), Matip, van Deyk, Robertson, Soboslai, Mak Allister (Gravenberx, 80), Jons, Saloh (Aleksander-Arnold, 74), Dias (Endo, 73), Gakpo (Diogu Jota, 46).

Ogohlantirishlar: Mak Allister (40), Udoji (45), Saloh (65), Diogu Jota (68), Robertson (87), Bissuma (88), Romero (89), van Deyk (90), Porro (90), Velis (90).

Chetlatishlar: Jons (26), Diogu Jota (69).

“Bornmut” — “Arsenal” 0:4

Gollar: 0:1 – 17 Saka, 0:2 – 44 Edegor (penalti), 0:3 – 53 Haverts (penalti), 0:4 – 90 Uayt.

“Bornmut”: Neto, Aarons, Senesi, Zabarniy, Kerkez (Semeno, 83), Kristi (Smit, 83), Kuk, Billing (Rotuell, 75), Tavernye (Sinisterra, 59), Klyuyvert (Uattara, 59), Solanke.

“Arsenal”: Rayya, Uayt, Gabriel, Saliba, Zinchenko (Tomiyasu, 69), Edegor, Rays (Jorjinyo, 81), Haverts (Smit-Rou, 81), Saka (Fabiu Vieyra, 76), Gabriel Jezus, Nketia (Nelson, 69).

Ogohlantirish: Haverts (33).

“Manchester Yunayted” — “Kristal Pelas” 0:1

Gol: 0:1 – 25 Andersen.

“Manchester Yunayted”: Onana, Diogu Dalot, Varan (Maguayr, 87), Lindelef (van de Bek, 88), Amrabat, Kazemiro, Brunu Fernandesh, Maunt (Marsyal, 77), Pelistri (Garnacho, 61), Reshford (Eriksen, 77), Heylund.

“Kristal Pelas”: Jonston, Uord, Andersen, Gexi, Mitchell, Shlupp (Ridevald, 78), Hyuz, Eze (Richards, 88), Dukure, Ayyu, Mateta.

Ogohlantirishlar: Kazemiro (10), Hyuz (32), Uord (45), Maunt (77), Amrabat (79).

“Vulverhempton” — “Manchester Siti” 2:1

Gollar: 1:0 – 13 Ruben Diash (avtogol), 1:1 – 58 Alvares, 2:1 – 66 Hvan Hi Chxan.

“Vulverhempton”: Joze Sa, Semedu, Douson, Kilmen, Gomesh, Ait-Nuri (Doerti, 74), Lemina, Gomes (Traore, 67), Netu, Hvan Hi Chxan (Kastro, 86), Mateus Kunya (Fabiu Silva, 86).

“Manchester Siti”: Ederson, Uoker, Ruben Diash, Akanji, Ake (Grilish, 80), Kovachich (Fillips, 65), Foden, Mateush Nunesh (Bobb, 46), Doku, Holand, Alvares.

Ogohlantirishlar: Uoker (17), Hvan Hi Chxan (24), Lemina (39), Netu (57), Kovachich (59), Alvares (63), Doku (82), Joze Sa (83), Fabiu Silva (90).