Ekotizim va universitet hamkorlik va o‘zaro hamjihatlik memorandumini imzoladilar.
2023-yil 26-sentyabrda Toshkentdagi Inha universiteti rektori Muzaffar Jalolov va Uzum operatsion direktori Roman Lavrentiyev hamkorlik memorandumini imzoladilar. Uzum milliy ekotizimi va mamlakatning yetakchi universitetlaridan biri mutaxassislar tayyorlash va qo‘shma taʼlim dasturlarini ishlab chiqish, universitet talabalari va xodimlari uchun maʼruzalar va seminarlar o‘tkazish bo‘yicha tajriba almashishni rejalashtirmoqda.
— Biz Inha talabalarini o‘quv jarayoniga yetakchi milliy va jahon kompaniyalarini jalb qilishga intilamiz, chunki bozorda talab yuqori bo‘lgan mutaxassislarni faqat shu tarzda tayyorlash mumkin, — deya izoh berdi Toshkentdagi Inha universiteti rektori Muzaffar Jalolov. — Biz hamkorlarimiz orasida Uzum — ko‘plab talabalarimiz orzu qilgan ish beruvchi ekanligidan faxrlanamiz.
— Uzum yangi boshlanayotgan mutaxassislarni faol qo‘llab-quvvatlamoqda: hamkasblarimiz xakatonlarda mentor bo‘lib, bugungi kunda butun mamlakat bo‘ylab 100 dan ortiq kishi IT-akademiyamiz doirasida kurslardan o‘tishmoqda, — deydi Uzum operatsion direktori Roman Lavrentiyev. — Inha universitetida biz ko‘plab iqtidorli talabalarni ko‘rib turibmiz va ular Uzum jamoasining bir qismi bo‘lishidan xursand bo‘lamiz. Axir, kuchli jamoasiz keng ko‘lamli loyihalarni amalga oshirish mumkin emas va biz uning rivojlanishiga sarmoya kiritishga tayyormiz.
Universitet talabalari bilan uchrashuv doirasida Roman Lavrentiyev IT dunyosi va Uzum ekotizimi yosh mutaxassislar uchun qanday istiqbollarni ochib berayotgani, yangi raqamli mahsulotlar qanday yaratilayotgani, o‘z startapini ochish uchun g‘oyani qanday topish va sinab ko‘rish haqida so‘zlab berdi, shuningdek, talabalarning savollariga javob berdi.
Sheriklik huquqi asosida.
Izoh (0)