Futbol bo‘yicha Ispaniya La Ligasining 7-turida “Real” va “Las-Palmas” jamoalari 27-sentabr, chorshanba kuni o‘zaro bahs olib bordi.

Birinchi bo‘lim so‘ngida Braim Dias raqib darvozasini ishg‘ol qilib, hisobni ochdi. Ikkinchi bo‘limda ham madridliklar faolligini ko‘rsatdi va yana bir bor darvozaga yo‘l topdi. Bu safar Rodrigo qanotdan ajoyib yurish amalga oshirib, to‘pni jarima maydoniga uzatdi. Xoselu esa bosh bilan gol urdi.

Qolgan daqiqalarda gol urilmadi va madridliklar g‘alabani rasmiylashtirib, 18 ochko bilan 2-o‘ringa ko‘tarilib oldi.

La Liga

7-tur bahsi

27-sentabr, chorshanba

“Real” – “Las-Palmas” 2:0

Gollar: 1:0 – 45 Braim Dias, 2:0 – 54 Xoselu.

“Real Madrid”: Arrisabalaga, Nacho, Alaba (Vaskes, 41), Ryudiger, Mendi (Fran Garsiya, 77), Valverde, Braim Dias (Sebalyos, 57), Tchuameni, Kamavinga (Kroos, 77), Rodrigo, Xoselu (Vinisius Junior, 57).

“Las-Palmas”: Vales, Arauxo, Kurbelo, Koko, Sinkgraven (Kardona, 46), Viera (Perrone, 77), Xavi Munyos (Luaodis, 77), Mfulu (Rodriges, 46), Munir, Kaba (Marvin, 57), Errera.

Ogohlantirishlar: Koko (79).