Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
“Agar orzularingizga erishish yo‘lida tinmay harakat qilsangiz, siz hatto orzu ham qilmagan muvaffaqiyatga erishasiz”, demoqda Barchin G‘ofurova.
Aktrisa Ra’no Shodiyeva 27-sentabr kuni qizi Raxshonaning tug‘ilgan kunini nishonladi va ushbu kun hayotidagi eng quvonchli kunlardan biri ekanligini aytdi.
Muborak Abdullayeva yo‘l harakati qoidalarini buzganligi uchun bir kunda uchta jarima xati olgani haqida so‘zlab berdi.
Qiziqchi Valijon Shamsiyev yangi konsert dasturida o‘ninchi farzandi — qizalog‘ini ham sahnaga olib chiqdi.
Hind kinosi yulduzi, aktrisa Aliya Bxatt turmush o‘rtog‘i Ranbir Kapurni tug‘ilgan kuni bilan tabrikladi.
Aktyor Aziz Rametov Alsgeymer aniqlangan otasi Jumadulla Rametovni kasalxonaga olib borayotgani aks etgan videoni sahifasiga joyladi. Videoda Jumadulla Rametovning ozib ketgani va holsiz ekanligini ko‘rish mumkin.
Xonanda Shahzoda muxlislariga yangi surati bilan ko‘rinish berdi.
Javohir Zokirov yangi filmda suratga tushmoqda.
O‘zbek Milliy akademik drama teatri aktrisasi Nigina Anorboyeva ilk marta ona bo‘ldi. Nigina qiz farzandni dunyoga keltirgan.
Feruza Normatova 27-sentabr kuni 34 yoshni qarshi oldi. Aktrisaning yaqinlari multfilmlar qahramonlari kiyimida uning uyiga kelib, syurpriz uyushtirishdi. Shuningdek, aktrisaning partnyori Shahzod Sultonov ham uni tabriklash uchun keldi. Feruza Normatova bu holatdan ta’sirlanib, yig‘lab yubordi.
Xonanda Yulduz Turdiyeva uchinchi marta ona bo‘ladi.
Izoh (0)