Avstraliyada selfiga tushmoqchi bo‘lgan qiz 50 metr balandlikdagi qoyadan tushib ketdi. Bu haqda ABCnews xabar berdi. 

Politsiya ma’lumotlariga ko‘ra, 22 yoshli sayyoh tez tibbiy yordam aviatsiyasida kasalxonaga yetkazilgan. Qiz do‘stlari bilan birga bo‘lgan, ular qoyadan tushib, tez yordam chaqirishga muvaffaq bo‘lgan.

Bass-Kost politsiyasi inspektori Deyv Fayfning aytishicha, ayolning jarohatlari hayoti uchun xavf tug‘dirmaydi, biroq bir nechta jiddiy sinishlar bo‘lgan.

“U piyoda yo‘ldan chiqib ketib, afsuski, qoyadan tushib ketgan”, — dedi u.

Inspektorning qayd etishicha, tegishli hodisa odamlarga, ayniqsa, sayyohlarga ochiq havoda ehtiyot bo‘lish kerakligini eslatib turadi. Rasmiylar odamlarni yanada ehtiyotkor bo‘lishga va piyodalar yo‘liga qat’iy rioya qilishga chaqirmoqda.