Hindistonning IndiGo aviakompaniyasi yo‘lovchisi ruhiy tushkunlik tufayli uchib ketayotgan samolyotning favqulodda eshigini ochib, undan sakrashga urindi. Bu haqda The New York Post xabar berdi.
Hodisa Hindistonda Guvahatidan Agartalaga uchayotgan samolyotda sodir bo‘lgan. Parvoz vaqtida 41 yoshli Bisvadjit Debnatx to‘satdan o‘rnidan turgan va favqulodda chiqish eshigini ochishga ketgan.
Buni ko‘rgan yo‘lovchilar va ekipaj a’zolari uni to‘xtatishga shoshilgan, biroq erkak qarshilik ko‘rsatgan. Yo‘lovchilar styuardessalarga samolyot xavfsiz qo‘nguncha uni ushlab turishga yordam bergan. Belgilangan manzilga yetib kelgach, hindistonlik erkak politsiya tomonidan hibsga olingan.
Ma’lum bo‘lishicha, Debnatx uzoq vaqtdan beri depressiya bilan kurashib keladi. Hozirda u parvoz davomida 180 dan ortiq yo‘lovchi hayotini xavf ostiga qo‘yish va ekipaj a’zolariga hujum qilganlikda ayblanmoqda.
Izoh (0)