2023-yil 25-sentabr kuni yetakchi qurilish kompaniyasi — Murad Buildings va O‘zbekiston Respublikasi bozorida 30 yildan buyon sug‘urta xizmatlarini ko‘rsatib kelayotgan “O‘zbekinvest” kompaniyasi “Ikki karra ishonch” yangi mahsulotini taqdim etib, tantanali ravishda memorandum imzoladilar.
Mazkur loyihaga ko‘ra, “O‘zbekinvest” kompaniyasi Murad Buildings kompaniyasining qurilish-montaj tavakkalchiliklarini sug‘urta qiladi, bu O‘zbekiston sug’urta sohasidagi hamda xususiy developerlar tomonidan turar joy majmualarini qurish sohasidagi tajriba loyihasi hisoblanadi.
Loyihada shuningdek, xonadon egalarining mulkiy manfaatlarini sug‘urta himoyasi nazarda tutilgan bo‘lib, sug‘urta hodisalari sodir bo‘lgan taqdirda, “O‘zbekinvest” kompaniyasi tomonidan xonadon egalarining xarajatlari qoplanadi. Buning natijasida Regnum Plaza va “So‘y Boyi” turar joy majmualaridagi xonadon sotib oluvchilar kutilmagan xarajatlardan himoyalanish imkoniyatiga ega bo‘ladilar.
“Ikki karra ishonch” loyihasi kabi mahsulot O‘zbekistonning sug‘urta sohasida ham, qurilish sohasida ham birinchi loyiha xisoblanadi.
Imzolangan memorandum kompaniyalar o‘rtasidagi yaqin hamkorlikning boshlanishi ramzi bo‘lib, xonadon egalariga o‘z manfaatlarini moliyaviy himoya qilishda qo‘llab-quvvatlash va ishonch bildiradi.
- Sayt: uzbekinvest.uz
- Facebook: fb.com/Uzbekinvest
- Instagram: @uzbekinvest_
- Telegram: t.me/uzbekinvest
- YouTube: youtube.com/channel
Reklama huquqi asosida.