Ukraina birinchi xonimi Yelena Zelenskaya eri, prezident Vladimir Zelenskiyning ikkinchi muddatga qayta saylanish imkoniyatini baholadi. Bu haqda u The Hill nashriga ma’lum qildi.
Yelena Zelenskayaga ko‘ra, eri birinchi marta Ukraina prezidentligiga nomzodini qo‘yganida, uni to‘liq qo‘llab-quvvatlamagan.
“Bilasizmi, u birinchi marta saylovda qatnashganida, uni to‘liq qo‘llab-quvvatlamadim. Lekin u yana ikkinchi muddatga qayta nomzodini qo‘ysa, buni zarur deb hisoblasa, yaxshi, bizda ma’lum tajribalar bor, u yerda bo‘lganmiz. Bu birinchi marta bo‘lgani kabi qo‘rqinchli bo‘lmaydi”, — dedi u.
Ukrainaning birinchi xonimi, shuningdek, erining bu boradagi qarori qanday bo‘lishini bilmasligini aytdi.
“Bu jamiyatimiz unga prezident sifatida kerakmi-yo‘qligiga ham bog‘liq bo‘ladi. Agar u Ukraina jamiyati uning prezident bo‘lishini xohlamasligini his qilsa, ehtimol, u nomzodini qo‘ymaydi”, — deya qo‘shimcha qildi Zelenskaya.
Izoh (0)