Shavkat Mirziyoyev Italiya sobiq prezidenti Jorjo Napolitano vafot etgani munosabati bilan prezidenti Serjo Mattarellaga ta’ziya yo‘lladi.
Prezident matbuot kotibi Sherzod Asadovning ma’lum qilishicha, Shavkat Mirziyoyev yirik davlat va jamoat arbobi, senator Jorjo Napolitano vafot etgani munosabati bilan mamlakatning amaldagi prezidenti Serjo Mattarellaga ta’ziya yo‘lladi.
Davlat rahbari Italiya xalqiga hamda marhumning oila a’zolariga chuqur hamdardlik bildirdi.
Jorjo Napolitano 22-sentyabr kuni, 98 yoshida Rimda vafot etdi. U ilk bor 2006-yilda Italiya prezidenti bo‘lgan. 2013-yilda mamlakat prezidentligiga qayta saylangan va 2015-yilgacha boshqargan.
Izoh (0)