Mudofaa vazirligi oliy harbiy taʼlim muassasalariga o‘qishga qabul qilingan birinchi bosqich kursantlar 24-sentabr kuni qasamyod qabul qildi. Vazirlik matbuot xizmati ushbu tantanali tadbirlardan olingan suratlarni “Daryo”ga taqdim etdi.
Xususan, erta tongdan Qurolli Kuchlar akademiyasida mazkur oliy harbiy taʼlim muassasasi va O‘zbekiston Qurolli Kuchlari Harbiy tibbiyot akademiyasiga yangi qabul qilingan kursantlar vatanga qasamyod qabul qildi.
Tantanali tadbirda mudofaa vazirining tarbiyaviy va mafkuraviy ishlar bo‘yicha o‘rinbosari general-mayor Hamdam Qarshiyev, Mudofaa vazirligi Jamoatchilik kengashi a’zolari, harbiy xizmatchilar, ota-onalar va kursantlar ishtirok etdi.
Chirchiq oliy tank qo‘mondonlik muhandislik bilim yurtida bo‘lib o‘tgan marosimda mudofaa vazirining birinchi o‘rinbosari — Qurolli Kuchlar bosh shtabi boshlig‘i general-mayor Shuhrat Xolmuhamedov ishtirok etdi.
O‘zbekiston oliy harbiy aviatsiya bilim yurti, Axborot-kommunikatsiya texnologiyalari va aloqa harbiy institutida ham qasamyod tantanalari yuqori saviyada o‘tkazildi.
.jpg)
Izoh (0)