Futbol bo‘yicha Italiya A Seriyasining 5-turidan o‘rin olgan o‘yinlar 23-sentabr, shanba kuni bo‘lib o‘tdi.
“Milan” o‘z maydonida “Verona” bilan bahs olib bordi. Uchrashuvning 8-daqiqasida Rafael Leau raqib darvozasini ishg‘ol qildi. Ushbu gol o‘yin yakuniga qadar yagonaligicha qoldi va milanliklarga g‘alaba keltirdi.
“Rossoneri” ochkolari sonini 12 taga yetkazib, 2-o‘ringa ko‘tarilib oldi.
“Yuventus” safarda “Sassuolo” mehmoni bo‘ldi. O‘yinning 12-daqiqasida Loryante hisobni ochdi. 21-daqiqada Vinya o‘z darvozasini ishg‘ol qilib qo‘ydi. 41-daqiqada Berardi yana bir bor “Sassuolo”ni hisobda oldinga olib chiqdi. 78-daqiqada Kyeza muvozanatni tikladi. Oradan 4 daqiqa o‘tib, Pinamonti mezbonlarning uchinchi golini urdi. 90-daqiqada esa Gatti avtogol urib, “Sassuolo”ning 4:2 hisobidagi g‘alabasiga hissa qo‘shdi.
“Sassuolo” g‘alabadan so‘ng ochkolari sonini 6 taga yetkazib, 11-o‘rinni egalladi. Turinliklar esa 10 ochko bilan 4-pog‘onani band etgan.
A Seriya
5-tur bahslari
23-sentabr, shanba
“Milan” – “Verona” 1:0
Gol: 1:0 – 8 Rafael Leau.
“Milan”: Sportello, Tiav, Kyer, Tomori, Florensi (Bartezagi, 75), Krunich (Loftus-Chik, 65), Pulishich (Pobega, 80), Reynders, Musa, Rafael Leau (Okafor, 80), Jiru (Yovich, 65).
“Verona”: Montipo, Faraoni (Bonassoli, 46), Davidovich, Manyani, Xin, Terrachchano (Jurich, 89), Duda (Saponara, 70), Ongla, Folorunsho, Lazovich (Kabal, 70), Ngonj (Suslov, 80).
Ogohlantirishlar: Tiav (24), Faraoni (42), Bonassoli (55), Musa (58), Pulishich (76), Florensi (89).
“Sassuolo” – “Yuventus” 4:2
Gollar: 1:0 – 12 Loryante, 1:1 – 21 Vinya (avtogol), 2:1 – 41 Berardi, 2:2 – 78 Kyeza, 3:2 – 82 Pinamonti, 4:2 – 90 Gatti (avtogol).
“Sassuolo”: Krano, Tolyan, Erlich, Ruan (Viti, 46), Vinya (Ferrari, 90), Bayrami (Defrel, 85), Boloka, Mateus Enrike, Berardi, Loryante (Pedersen, 85), Pinamonti (Kastilexo, 85).
“Yuventus”: Shensni, Danilo, Bremer, Gatti, Makkenni (Vea, 60), Kostich (Ayling, 46), Rabyo, Lokatelli (Milik, 83), Miretti (Fajoli, 46), Kyeza, Vlahovich (Kin, 76).
Ogohlantirishlar: Rabyo (36), Boloka (51), Danilo (55), Berardi (58), Vinya (64), Pinamonti (83).