Turkiyaning Dyuzje shahrida yashovchi 68 yoshli erkak o‘zining shar’iy nikohidagi o‘zbekistonlik ayolni vahshiylarcha o‘ldirgani haqida xabar berilgandi. Mamlakatning Istanbuldagi bosh konsulxonasi holat yuzasidan ma’lumot berdi.
Unga ko‘ra, haqiqatan ham Dyuzjeda O‘zbekiston fuqarosi vafot etgan. Faqat vafot etgan fuqaroning ismi Barno emas Ranodir. Xabarlarda tarqatilgan fotosuratlar ham vafot etgan fuqaroga oid emas. Vafot etgan fuqaro 1978-yil 30-iyulda tug‘ilgan Adilova Ranodir.
Hozirgi vaqtda jinoyat sodir etgan Turkiya fuqarosi Aslan Guneyga nisbatan huquqni muhofaza qiluvchi organlar tomonidan tergov harakatlari olib borilmoqda.