Toshkent shahar Chilonzor tumanida 29 tup ko‘p yillik daraxt kesib tashlangani aks etgan video ijtimoiy tarmoqlarda tarqalmoqda. Shahar Ekologiya boshqarmasi matbuot xizmati holat yuzasidan tushuntirish berdi.
Unga ko‘ra, Lutfiy ko‘chasidagi 29 ta ko‘p yillik Shumtol daraxti qurib qolganligi sababli kesib olinmoqda. Shanba kuni ko‘pchilk tashkilotlarda dam olish kuni bo‘lgani sababli, tuman Obodonlashtirish boshqarmasi tomonidan qurigan daraxtlarni kesib olish jarayonlari olib borilmoqda.
“Aholidan va ekolog blogerlar hamda jurnalistlardan biz oldindan ma'lum qilgan ushbu ma'lumotlar bilan tanishib, ayni jarayonlarga xolis baho berishlarini so‘rab qolamiz”, — deyiladi xabarda.
Izoh (0)