Yerevanda bo‘lib o‘tayotgan namoyishda Armaniston sobiq prezidenti Robert Kocharyanning o‘g‘li Levon Kocharyan hibsga olindi. Bu haqda uning advokati Aleksandr Kochubayevga tayanib, “Korrespondent.net” xabar berdi.
Advokatning so‘zlariga ko‘ra, Levon Kocharyan maxsus kuchlar tomonidan kaltaklangan, shundan so‘ng u tez yordam brigadasi tomonidan kasalxonaga yotqizilgan. Rossiyaning Mash Telegram kanali yozishicha, bosh vazir Nikol Pashinyanni impichmentga chaqirgan muxolifat bloki rahbari Andranik Tevanyan ham politsiya bo‘limiga olib ketilgan.
Dastalbki ma’lumotlarga ko‘ra, politsiya Moskvadagi Yerevan Plaza qurilishida ishtirok etgan qurilish magnati va Forbes ro‘yxatidagi millioner Gennadiy Stepanyanning o‘g‘li Shagor Stepanyanni ham hibsga olgan.
Avvalroq Armaniston politsiyasi Yerevanda kun davomida hukumatga qarshi namoyishlar chog‘ida 84 nafar namoyishchi qo‘lga olingani haqida xabar bergandi. Ular huquq-tartibot idoralari xodimlarining qonuniy talablarini bajarmaganlikda ayblanmoqda.
Izoh (0)