Kichik va o‘rta biznes korxonalarining moliyalashtirishga imkoniyatini oshirish maqsadida, Ipak Yo‘li banki uzoq mutdatli mablag‘larni jalb qilish uchun o‘z hamkorlar ro‘yxatini kengaytirmoqda. Finlyandiyaning “Finnfund” investitsion jamg‘armasining 15 million dollarlik krediti bilan bank o‘z faoliyatini mikro, kichik va o‘rta korxonalar bilan rivojlantirishda davom etadi.
“Biz “Finnfund” bilan birinchi shartnomani imzolashdan juda xursandmiz. Biz O‘zbekistonda xususiy sektorning iqtisodiyotdagi ishtirokini qo‘llab-quvvatlash va oshirish, moliya olish imkoniyatlarini yaxshilash sohasida uzoq muddatli hamkorlikni kutmoqdamiz.
Ushbu bitim bizga bank faoliyatining asosiy qismi bo‘lgan inklyuziv xizmatlarni taqdim etadigan mamlakatda ko‘plab kichik va o‘rta korxonalarni qo‘llab-quvvatlashni davom ettirishga imkon beradi”, — dedi Ipak Yo‘li Banki boshqaruv raisi Saidabror Saidahmedov.
“Finnfund” kompaniyasining boshqaruvchi va bosh direktori Jaakko Kangasniemi esa quyidagicha bayonot berdi: “O‘zbekistonda xususiy sektorni faqat o‘rta va kichik bizneslar moliyaviy manbalarga kirish imkoniyatiga ega bo‘lgandagina rivojlantirish mumkin. Ipak Yo‘li banki kredit berishni ko‘paytirish bo‘yicha ulkan rejalarga ega va o‘z xizmatlarini onlayn va oflayn rejimda rivojlantirishni yaxshi yo‘lga qo‘ygan va biz bu tadbirkorlarga o‘z bizneslarini rivojlantirish uchun kerak bo‘lgan eng muhim omil ekanligiga ishonchimiz komil”.
“Finnfund” haqida
“Finnfund” Finlyandiyaning investitsion jamg‘arma va rivojlantirish bo‘yicha investoridir. Jamg‘arma barqaror kelajakni quradi va global rivojlanish muammolarini hal qiladigan korxonalarga sarmoya kiritish orqali doimo ko‘maklashadi. Har yili 20 dan 30 tagacha rivojlanayotgan mamlakatlarga 200-250 million yevro miqdorida sarmoya kiritishadi. Asosiy tarmoqlar qayta tiklanadigan energiya, barqaror o‘rmon xo‘jaligi, barqaror qishloq xo‘jaligi, moliya institutlari va raqamli infratuzilma bo‘yicha yechimlarni o‘z ichiga oladi. Bugungi kunda “Finnfund” ning sarmoyalari, majburiyatlari va investitsiyasi jami 1,22 milliard yevroni tashkil etadi va ularning yarmi Afrikada mintaqasida. Kompaniyaning Xelsinki va Nayrobida joylashgan bo‘limlarida 100 nafar xodimi bor. Batafsil maʼlumotlarni https://www.finnfund.fi saytida olishingiz mumkin.
Ipak Yo‘li banki haqida
Ipak Yo‘li banki 1990-yil aprel oyida tashkil etilgan bo‘lib, O‘zbekistondagi universal tijorat bank hisoblanadi. Bank yaxshi tashkil etilgan 17 filial tarmog‘i va 46 ekspress markazlari orqali kichik va o‘rta biznezga va shuningdek, chakana savdo sektoriga keng ko‘lamli bank xizmatlarini taqdim etadi. Ipak Yo‘li banki doimiy ravishda mijozlar bazasini, bankning mintaqaviy ishtirokini kengaytirish, har bir mijozning ehtiyojlarini qondirish uchun xizmatlar soni va turlarini kengaytirish orqali o‘z faoliyatining doimiy o‘sishiga intiladi.
Bank haqida to‘liqroq maʼlumot olish uchun https://www.ipakyulibank.uz saytiga kirishingiz mumkin.
Reklama huquqi asosida.
Izoh (0)