Yarim o‘rta vazn toifasida UFC chempioni Leon Edvards 16-dekabr kuni Las-Vegasda bo‘lib o‘tadigan UFC 296 musobaqasida oktagonga ko‘tariladi.
Leon Kolbi Kovingtonga qarshi jangda o‘z kamarini himoya qiladi. Bu haqida UFC prezidenti Dana Uayt ma’lum qildi. Edvards — yarim o‘rta vazndagi amaldagi chempion bo‘lib, so‘nggi ikki jangida Kamaru Usman ustidan g‘alaba qozongan.
Kovington so‘nggi bor 2022-yil mart oyida Xorxe Masvidalni ochkolar hisobiga mag‘lub etgandi. Shundan buyon Kolbi oktagonga ko‘tarilmagan.
Shuningdek, Aleksandr Pantoja mutlaq yengil vazn divizioni tituli uchun Brendon Royvalga qarshi oktagonga ko‘tariladi. Pantoja 2023-yilning iyul oyida Brendon Morenoni mag‘lub etib, mutlaq yengil vazn divizioni chempioniga aylangandi.
Royval esa ketma-ket uch jangdan buyon g‘alaba qozonib kelmoqda. U so‘nggi bor 2021-yil avgust oyida aynan Pantojaga mag‘lub bo‘lgandi.
Izoh (0)