Toshkentda Inkuzart taxallusi ostida ijod qiluvchi ko‘cha rassomining suv isrofiga bag‘ishlangan yangi strit-arti paydo bo‘ldi.
Surat bino devorining burchagiga chizilgan bo‘lib, u qismdan iborat. Birinchisida — tarvuz ustiga oqayotgan ichimlik suvi tasvirlangan bo‘lsa, ikkinchisida — ko‘lmak suvni ichayotgan bolakayni ko‘rish mumkin.
Eslatib o‘tamiz, 2021-yilning sentabr boshida @inkuzart O‘zbekiston avtomobil bozoridagi monopoliyaga bag‘ishlangan strit-art chizgandi. Unda mashina uchun uzun navbat va navbat boshida qizil shapkali inson tasvirlangandi. Keyinroq ushbu tasvir to‘liq o‘chirib tashlangan, poytaxt hokimligi va “O‘zavtosanoat” bu ishga aloqasi yo‘qligini ma’lum qilgan edi.
- Noyabrda esa ko‘cha rassomining Toshkentda benzin narxi oshishiga bag‘ishlangan strit-art o‘chirib tashlangandi.
- 2022-yilning 18-fevral kuni esa Inkuzart ga tegishli turli formulalar bilan devorga chizilgan Albert Eynshteynning portreti bo‘yab tashlangan.
- Chilonzor tuman hokimligi strit-artining o‘chirilishiga tuman hokimining buyrug‘i emas, mahalla faollari sababchi bo‘lganini ma’lum qilgan.
Izoh (0)