Tadqiqot: o‘zbekistonliklarning psixologik holati o‘rganildi

STADA kompaniyasi surunkali kasalliklarga munosabat, psixologik salomatlik, urush va inqiroz oqibatlari, umumiy sog‘liq kabi masalalarni o‘z ichiga olgan tadqiqot-so‘rov natijalarini eʼlon qildi. So‘rovnomada 2000 nafar o‘zbekistonlik ishtirok etgan.

Maʼlum qilinishicha, O‘zbekiston psixologik salomatlik holati bo‘yicha yetakchi hisoblanadi.

So‘rovnomada qatnashgan mamlakat aholisining 71 foizi o‘zining psixologik salomatligini “yaxshi” yoki “juda yaxshi”, 27 foizi “qoniqarli”, bor-yo‘g‘i 2 foizi “yomon” deb baholagan.

Taqqoslash uchun, Qozog‘istonda bu ko‘rsatkichlar mos ravishda 62, 32 va 6 foizni, Yevropada esa 67, 23 va 10 foizni tashkil etadi.

O‘zbekiston aholisining 57 foizi sog‘liqni saqlashning dolzarb mavzularini muntazam kuzatib boradi, Yevropada esa bu ko‘rsatkich biroz yuqori, yaʼni 63 foizni tashkil etadi, — deyiladi tadqiqotda.

Qo‘shimcha qilinishicha, O‘zbekiston rezidentlari hali ham tibbiyot sohasidagi innovatsiyalarga to‘laqonli ochiq emas. Pespondentlarning bor-yo‘g‘i 13 foizi (Yevropada o‘rtacha 43 foiz, Qozog‘istonda 52 foiz) shifokor qabuliga onlayn yozilishini qayd etgan.

Mavzuga doir:

• O‘zbekistonliklar eng ko‘p qaysi tibbiy ko‘rikdan o‘tayotgani ma’lum qilindi
• O‘zbekiston aholisining 26 foizi dori-darmonlarga xarajatlarni qisqartirgan — tadqiqot