Namangan viloyatining Chust tumanida ro‘y bergan yo‘l-transport hodisasi oqibatida 5 kishi halok bo‘ldi. Bu haqda “Daryo” muxbiri Azizbek Abduvaliyev xabar bermoqda.
Namangan viloyat IIB YHXB matbuot xizmati
Viloyat IIB YHXB maʼlumotlariga ko‘ra, Namangan—Toshkent yo‘nalishida harakatlanayotgan yuk mashinasi haydovchisi ehtiyotsizlik natijasida qarama-qarshi yo‘nalishga chiqib ketgan va Damas hamda Labo avtomashinalari bilan to‘qnashgan.
Damas haydovchisi va 4 nafar yo‘lovchisi hodisa oqibatida olingan tan jarohatlari tufayli hayotdan ko‘z yumgan. Yo‘lovchilarning bari ayollar ekanligi aytilmoqda.
.jpg?_t=1695305368)
Mazkur holat yuzasidan Jinoyat kodeksining 266-moddasi (“Transport vositalari harakati yoki ulardan foydalanish xavfsizligi qoidalarini buzish”) bilan jinoyat ishi qo‘zg‘atilib, tergov harakatlari olib borilmoqda.
Izoh (0)