Argentinalik futbolchi Lionel Messi “PSJ”dagi davrlarni yodga oldi.
Barchasi men o‘ylagandek kechmadi, lekin hamma narsaning o‘z sababi bor. U yerda ishlarim o‘xshamagan bo‘lsa-da, o‘sha davrda jahon chempioniga aylandim.
Mbappe bilan munosabatlarimiz yaxshi. Mundialdan keyingi vaziyat tushunarli edi, ular (Fransiya) biz tufayli chempion bo‘lolmadi. Jahon Chempionligini qo‘lga kiritgani uchun klub tomonidan tabriklanmagan yagona futbolchi edim. Endi barchasi ortda qoldi.
Lionel Messi, “Inter Mayami” hujumchisi
Eslatib o‘tamiz, Argentina terma jamoasi 2022-yilgi mundial finalida Fransiyani (3:3, penaltilar seriyasida 4:2) mag‘lub etib, chempionga aylangandi.