Ijtimoiy tarmoqlarda fuqaroni uyidan chaqirib, ostonada kaltaklab ketilgani haqida xabarlar tarqaldi. Viloyat IIB holat bo‘yicha ma’lumot berdi.
Aniqlanishicha, joriy yilning 12-sentabr kuni fuqaro N.A. videomurojaatdagi M.A.ning yashash uyi yaqinida o‘zaro kelishmovchilik sababli uning yuz qismiga qo‘li bilan urib, tan jarohati yetkazgan.
Mazkur holat shu kunning o‘zida Marg‘ilon shahar IIB tomonidan tegishli tartibda ro‘yxatga olinib, tergovga qadar tekshiruv harakatlari olib borilgan. Sudga oid tibbiyot ekspertizasining 21-sentabr kungi xulosasiga ko‘ra, M.A.ning olgan jarohati o‘rtacha og‘ir shikastlar toifasiga kirishi ko‘rsatilgan.
Holat yuzasidan Jinoyat kodeksining 105-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)