Checheniston rahbari Ramzan Qodirov kasalligi haqida mish-mishlarga izoh berdi. Siyosatchi o‘zining Telegram kanalida tegishli ma’lumot bilan bo‘lishdi.
Ramzan Qodirov Checheniston davlat dumasi deputati Adam Delimxonov bilan birga Moskvadagi Markaziy klinik shifoxonada bo‘lganini tasdiqladi.
“Do‘stlar, shu kunlarda oilamiz amakimiz Magomed Abdulxamidovich Qodirov haqida juda xavotirda. Yaratganga hamdlar bo‘lsin, u tuzalmoqda. Moskvaga ish safarim chog‘ida birinchi bo‘lib Markaziy klinik shifoxonaga bordim, uni yaxshi kayfiyatda ko‘rdim”, — deb yozadi Qodirov.
Shuningdek, Checheniston rahbari sog‘lig‘i bilan bog‘liq mish-mishlarga izoh berdi.
“Men tirikman va sog‘lomman. Hatto kasal bo‘lganimda ham nega shov-shuv bo‘lishi kerakligini tushunmayapman”, — dedi u.
Checheniston rahbarining kasalligi haqidagi mish-mishlar
Qodirovning sog‘lig‘i keskin yomonlashgani haqidagi mish-mishlar 2023-yilning bahorida paydo bo‘lgandi. Bunga Checheniston rahbarining o‘zgargan qiyofasi sabab bo‘lgan. Jumladan, u juda ko‘p vazn olgan, yuzlari shishgan va nosog‘lom ko‘rinishga ega bo‘lgan. Shundan so‘ng buyrak bilan bog‘liq muammolar haqidagi versiyalar paydo bo‘lgan. Muammolar zaharlanish natijasida yuzaga kelgani haqida mish-mishlar tarqalgan.
Manbalarning ta’kidlashicha, so‘nggi paytlarda Checheniston rahbari ko‘p vaqtini xorijda o‘tkazib, respublikani boshqarishdan uzoqlashmoqda. O‘z navbatida, Ramzan Qodirov bedavo dardga chalingani haqidagi mish-mishlarni rad etib keladi.
U avvalgidek sport bilan shug‘ullanishi, tog‘larga chiqishi, Chechenistonni rivojlantirishdagi muhim masalalarni muhokama qilish bilan shug‘ullanayotganini ta’kidlagandi. Bundan tashqari, u qo‘lida tibbiy asbob emas, balki elektron tasbeh borligini tushuntirgan.
Izoh (0)