Xitoyning Chjuxay shahrida noma’lum uchar jism (NUJ) shaklidagi dunyodagi eng yirik yopiq dengiz ilmiy parki — Chimelong Spaceship ochildi. Bu haqda Weixin xabar berdi.
Akvariumda 100 mingdan ortiq dengiz hayvonlari yashaydi. Parkning umumiy uzunligi 650 metr, maydoni esa taxminan 400 kvadrat metrni tashkil qiladi. Okeanarium kuniga 50 mingdan ortiq mehmonni qabul qilishi mumkin.
Unda dunyodagi eng katta akvarium displeyi va dunyodagi eng katta jonli marjon akvariumi, shuningdek, eng katta dengiz muzeyi joylashgan. 15 tematik zonaga bo‘lingan parkda 300 ga yaqin dengiz hayvonlari, shuningdek, 100 turdagi tirik marjonlar yashaydi.
Shuningdek, parkda attraksionlar mavjud, masalan, Osiyoning suv resurslari va ekotizimlariga bag‘ishlangan “Galaktika qo‘riqchilari” filmi bilan o‘xshashliklarga ega “Kosmos dunyosi”, shuningdek, “Bermud sarguzashtlari” simulyatori.
“Chimelong”ning ochilishi 2021-yilga rejalashtirilgan edi, ammo 10 yillik dizayn va 5 yillik qurilishdan so‘ng ulkan park o‘z darvozalarini faqat 2023-yil sentabr oyida tashrif buyuruvchilar uchun ochdi.
“Bino qurilishi Xitoydagi boshqa yirik istirohat bog‘lariga egalik qiluvchi Chimelong Group kompaniyasiga 1,1 milliard dollarga tushdi”, — deb yozadi The Messenger.
Izoh (0)