Turkmanistonda ikki yillik harbiy xizmatga navbatdagi chaqiruv e’lon qilindi. Prezidentning tegishli farmoni mahalliy ommaviy axborot vositalarida e’lon qilindi.
Muddatli harbiy xizmatga chaqirilgan kunga qadar 18 yoshga to‘lgan va 27 yoshga to‘lgunga qadar chaqiruv muddatini ortga surish huquqidan mahrum bo‘lgan erkaklar 2023-yil oktabr-dekabr oylarida muddatli harbiy xizmatga chaqiriladi.
Turkmanistonda 1995-yildan beri o‘zgarmagan harbiy doktrina tasdiqlangan, u yetarli mudofaa, ijobiy neytral siyosat va har qanday harbiy-siyosiy ittifoqlarda ishtirok etishdan bosh tortishni o‘z ichiga oladi.
6 milliondan ortiq aholiga ega Turkmanistonning 30 ming askardan iborat armiyasi bor. Turkmaniston armiyasi Markaziy Osiyoning beshta davlati orasida O‘zbekiston va Qozog‘istondan keyin uchinchi kuchli armiya hisoblanadi. Tegishli ma’lumot Global Firepower 2023 tahliliy markazi hisobotida keltirilgan.
Quruqlikda Turkmaniston Afg‘oniston, Eron, Qozog‘iston va O‘zbekiston bilan chegaradosh. Kaspiy dengizida mamlakat Ozarbayjon, Eron, Qozog'iston va Rossiya bilan chegaradosh.
Aziz Boyarov