Rossiya Barens dengizi uzra chegaraga yaqinlashayotgan samolyotni tutish uchun havoga MiG-31 qiruvchi samolyotini ko‘tardi. Bu haqda Rossiya Mudofaa vazirligi xabar berdi.

Vazirlikning ta’kidlashicha, Shimoliy flotda navbatchilik qilayotgan havo hujumidan mudofaa kuchlarining qiruvchisi obyektni aniqlash va Rossiya davlat chegarasini buzishning oldini olish uchun osmonga ko‘tarilgan.

Havo nishoni AQSH Harbiy-havo kuchlarining P-8A “Poseydon” patrul samolyoti ekani aniqlangan. Qayd etilishicha, Amerika samolyoti go‘yoki Rossiya chegarasi tomon harakatlanayotgan bo‘lsa-da, MiG-31 yaqinlashgach, u ortiga burilib ketgan.

“Rossiya qiruvchisining parvozi neytral suvlar ustidagi havo hududidan foydalanish bo‘yicha xalqaro qoidalarga qatʼiy rioya qilgan holda, havo yo‘llarini kesib o‘tmasdan yoki xorijiy davlat samolyotiga xavfli yaqinlashmasdan amalga oshirildi”, — dedi Rossiya Mudofaa vazirligi.