Qozog‘iston Korrupsiyaga qarshi kurash xizmati korrupsioner mansabdor shaxslarning davlat reyestrini joriy etish rejasini e’lon qildi. Bu haqda Vlast.kz xabar berdi.

“Reyestrga korrupsiyada aybdor deb topilgan shaxs haqidagi barcha ma’lumotlar kiritiladi. Bu ish beruvchilarga potensial nomzodni halollik bo‘yicha tekshirish imkonini beradi”, — deydi antikorrupsiya xizmati.

Shuningdek, korrupsiyaga oid huquqbuzarliklarni sodir etganlik uchun yuridik shaxslarning javobgarligini kuchaytirish taklif etilmoqda.

Bundan tashqari, parlamentda pora berish va'dasi va taklifini jinoiy javobgarlikka tortish masalasi ko‘rib chiqilmoqda.

“Pora taklifi deganda og‘zaki yoki yozma, shu jumladan elektron shaklda, pora taklifi haqidagi aniq va tushunarli bildirishnoma tushuniladi. Pora va’dasi esa pora berish vaqti, joyi, usuli to‘g‘risida xabardor qilishni o‘zi ichiga oladi”, — deb tushuntirdi korrupsiyaga qarshi xizmat.