A Seriya. “Roma” “Empoli” darvozasiga javobsiz 7 ta gol urdi (video)

Futbol bo‘yicha Italiya A Seriyasining 4-turida “Roma” 17-sentabr, yakshanba kuni “Empoli”ni qabul qildi.

Uchrashuv rimliklarning 7:0 hisobidagi g‘alabasi bilan yakunlandi. “Roma” safida Janluka Manchini, Brayan Kristante, Romelu Lukaku va Renatu Sanshesh bittadan gol urgan bo‘lsa, Paulo Dibala dublni rasmiylashtirdi. Shuningdek, “Empoli” futbolchisi Alberto Grassi ham o‘z darvozasini ishg‘ol qilib qo‘ydi.

Joze Mourinyo jamoasi mavsumdagi ilk g‘alabasini qo‘lga kiritdi va 4 ochko bilan 10-o‘rinni band etdi.

A Seriya

4-tur bahsi

17-sentabr, yakshanba

“Roma” – “Empoli” 7:0

Gollar: 1:0 – 2 Dibala (penalti), 2:0 – 8 Sanshesh, 3:0 – 35 Grassi (avtogol), 4:0 – 55 Dibala, 5:0 – 79 Kristante, 6:0 – 82 Lukaku, 7:0 – 86 Manchini.

“Roma”: Ruy Patrisiu, Kristensen, Lyorente, Manchini, Ndika, Spinassola (Ash-Shaaravi, 84), Paredes (Pagano, 75), Kristante, Sanshesh (Bove, 46), Dibala (Belotti, 64), Lukaku (Azmun, 84).

“Empoli”: Berisha, Bereshinski, Luperto, Valyukevich (Ismayli, 46), Pessella, Grassi, Male, Fassini (Bastoni, 46), Kambyagi (Shpendi, 84), Kancheleri (Baldansi, 60), Destro (Kaputo, 60).

Ogohlantirishlar: Dibala (38), Kancheleri (39), Sanshesh (39), Male (58).