Saudiya Professional Ligasi. “An-Nassr” safarda ishonchli g‘alabani qo‘lga kiritdi

Futbol bo‘yicha Saudiya Arabistoni chempionatining 6-turida “An-Nassr” 16-sentabr, shanba kuni “Al-Raed” bilan bahs olib bordi.

Birinchi bo‘lim so‘ngida Sadio Mane Ar-Riyod klubini hisobda oldinga olib chiqdi. 45+2-daqiqada “Al-Raed” futbolchisi Bander Vaeshi qizil kartochka olib maydonni tark etdi. Qolgan daqiqalarda mezbonlar bir kishi kam bo‘lib harakat qildi.

Ikkinchi bo‘lim boshida Taliska uchrashuvdagi ikkinchi golni urdi. 78-daqiqada Ronaldu ham o‘z hisobiga gol yozdirib qo‘ydi. 89-daqiqada Fuzair penaltini aniq amalga oshirib, hisobni qisqartirdi. Shu tariqa “An-Nassr” ishonchli g‘alabani rasmiylashtirdi. 

“An-Nassr” ochkolari sonini 12 taga yetkazib, 6-o‘ringa ko‘tarilib oldi.

Saudiya Professional Ligasi

6-tur bahsi

16-sentabr, shanba

“Al-Raed” – “An-Nassr” 1:3

Gollar: 0:1 – 45 Mane, 0:2 – 49 Taliska, 0:3 – 78 Ronaldu, 1:3 – 89 Fuzair (penalti).

“Al-Raed”: Moreyra, Al-Dosari, Gonsales, Vaeshi, Al-Yusif (Al-Sobeay, 64), Fuzair, Sobel (El-Berkaui, 75), Normann (Hazazi, 65), Al-Bishi, Sayud (Lum, 81), Tavaresh (Al-Fahad, 46).

“An-Nassr”: Al-Akidi, Al-Ganam, Laport, Al-Avjami (Al-Amri, 85), Telles (Al-Nahli, 85), Brozovich, Otavio, Al-Haybari (Al-Hassan, 57), Mane (Al-Gannam, 89), Garib (Taliska, 46), Ronaldu.

Ogohlantirishlar: Al-Dosari (8), Al-Haybari (44), Al-Hassan (59), Telles (84), Al-Amri (87).

Ogohlantirishlar: Vaeshi (45).