Toshkent shahrida Milliy gvardiya xodimlari firibgarlik uchun qidiruvga berilgan fuqaroni attraksionda qo‘lga oldi. Bu haqda idora matbuot xizmati xabar berdi.
Qayd etilishicha, jamoat joylari bo‘lgan parklar, xiyobon va bozorlarda jinoyatchilikning oldini olishga qaratilgan hamkorlikdagi ishlar kuchaytirilgani o‘z samarasini bermoqda.13-sentabr kuni poytaxtning Shayxontohur tumanida joylashgan “Navro‘z” istirohat bog‘i hududida xizmat olib borayotgan Milliy gvardiya harbiy xizmatchilari tomonidan 26 yoshli fuqaro qo‘lga olingan.
Jizzax viloyatida istiqomat qiluvchi 26 yoshli fuqaro firibgarlik jinoyatini sodir etgani uchun ichki ishlar organlari tomonidan qidiruvga berilgan.
Mart oyida Latviya o‘zini elchixona xodimi sifatida tanishtirib, odamlarni chuv tushirib yurgan O‘zbekiston fuqarosini ekstraditsiya qilgandi. Aprelda esa Qozog‘istonning Atirau viloyatida 20 yildan beri xalqaro qidiruvda bo‘lgan O‘zbekiston fuqarosi qo‘lga olingani to‘g‘risida xabar berilgandi.
Izoh (0)