AQSH prezidenti Jo Baydenning o‘g‘li Xanter Bayden giyohvand moddalar iste’mol qilib yurgan vaqtida noqonuniy ravishda qurol sotib olish va saqlashda ayblandi, deb xabar bermoqda CNN.
Telekanal maʼlumotlariga ko‘ra, ayblovning ikkita bandi 2018-yilda AQSH prezidentining o‘g‘li to‘pponcha sotib olayotganda giyohvand moddalarni isteʼmol qilmasligi haqida yolg‘on gapirgani bilan bog‘liq. Uchinchi punktda aytilishicha, Xanter Bayden giyohvand moddalarni iste’mol qilib yurgan paytdlarda o‘qotar qurolga ham egalik qilgan. CNN bularning barchasi federal jinoyat ekaniga aniqlik kiritdi.
New York Times gazetasining yozishicha, agar aybdor deb topilsa, Xanter Bayden 25 yilgacha qamoq jazosi va 750 ming dollar jarimaga tortilishi mumkin.
Xanter Baydenga nisbatan tergov 2018-yilda boshlangan. 2023-yil yozida prezidentning o‘g‘li AQSH Adliya vazirligi bilan kelishuv tuzdi, unga ko‘ra u 2017—2018-yillarda sodir etilgan ikkita soliq qonunbuzarligi bo‘yicha aybini tan olishi, buning evaziga Xanterga qarshi qurollarni noqonuniy saqlash ayblovlari ikki yildan keyin olib tashlanishi kerak edi. Biroq kelishuv 26-iyul kuni sud tomonidan tasdiqlanmadi, ish bo‘yicha maxsus prokuror Devid Uayss bu masala bo‘yicha muzokaralar boshi berk ko‘chaga kirib qolgani va to‘xtatilganini aytdi.
Izoh (0)