Toshkent viloyati Nurafshon shahrida 30 yoshli ayolga tegishli bo‘lgan Lacetti’ni olib qochgan shaxs qo‘lga olindi. Bu haqda viloyat IIBB axborot xizmati xabar berdi.
Qayd etilishicha, 8-sentabr kuni soat 19:10 larda noma’lum shaxs Nurafshon shahar “Bobur” MFYda joylashgan do‘kon oldida turgan, kaliti avtomashinada ochiq qoldirilgan Lacetti’ni olib qochgan. Mashina 1993-yilda tug‘ilgan N.R.ga tegishli bo‘lgan.
Holat yuzasidan Nurafshon shahar IIB tergov bo‘limi tomonidan Jinoyat kodeksining 267-moddasi (transport vositasini olib qochish) 1-qismi bilan jinoyat ishi qo‘zg‘atilgan.
Olib borilgan tezkor tadbirlar davomida ushbu mashinani shaharning “Ma’rifat” MFYda yashovchi 41 yoshli B.J. olib qochgani aniqlangan va u qo‘lga olingan.
Bundan oldin Farg‘onada “moyka” xodimi Jizzaxdagi sevgan qizini ko‘rgani borish uchun o‘zganing Lacetti’sini minib qochgani, Toshkentdagi mashina yuvish shoxobchasidan olib qochilgan Nexia-3 Andijondan topilgani to‘g‘risida xabar berilgandi.
Izoh (0)