Begisbay Temirbayev Qoraqalpog‘iston Respublikasi madaniyat vaziri lavozimiga tayinlandi. Bu haqda Jo‘qorg‘i Kenges matbuot xizmati xabar berdi.
Qayd etilishicha, tayinlov Qoraqalpog‘iston Respublikasi Jo‘qorg‘i Kenges raisining madaniyat sohasi xodimlari vakillari bilan uchrashuvida ma’lum qilingan.
Bagisbay Temirbayev mazkur tayinlovga qadar “Ayqulash” qoraqalpoq milliy folklor ansambli direktori sifatida faoliyat yuritib kelayotgan edi.
Eslatib o‘tamiz, avgust oxirlarida Elmurod Tursunov Qoraqalpog‘iston Respublikasi adliya vaziri etib tayinlangandi. Sentabr boshlarida esa Jo‘qorg‘i Kenges raisi Chimboy tumanida bir qator rahbarlarni ishdan olish bo‘yicha topshiriq bergan edi.
Izoh (0)