Bojxonadan noqonuniy olib o‘tilayotgan vaqtda ushlab qolingan 15 turdagi 450 million 990 ming so‘mlik tovar moddiy boyliklar yo‘q qilindi. Bu haqda MIB axborot xizmati “Daryo”ga maʼlum qildi.
Aytilishicha, mazkur holat jinoyat ishlari bo‘yicha Andijon shahar sudida ko‘rib chiqilib, huquqbuzarga jarima jazosi tayinlangan hamda ashyoviy dalil sifatida olib qo‘yilgan tovar moddiy boyliklar yo‘q qilinishi belgilangan.
Tadbirda turli xil yozuvdagi sopli, g‘ilofli, ochilib-yopiladigan 14 xil pichoq va tayoqsimon metalldan ishlangan o‘zi chiqadigan moslama, yaʼni dubinkalar tegishli tartibda yo‘q qilingan.
Izoh (0)