Bollivud qiroli Shohrux Xon bosh rolni ijro etgan yangi hind jangari filmi “Askar” o‘tgan hafta oxirida nafaqat Hindiston milliy prokatida birinchi o‘rinni egalladi, balki butun dunyo bo‘ylab eng yuqori daromad keltirgan filmlardan biriga aylandi.
62,7 million dollarlik natija bilan “Askar” kinokartinasi faqatgina “Rohibaning la’nati-2” qo‘rqinchli filmiga (85,3 million dollar daromad keltirgan) peshqadamlikni boy berdi, biroq boshqa barcha raqobatchilarni, jumladan “Adolat tarafdori 3” (23,6 million dollar yig‘gan) jangovar filmini ham ortda qoldirdi. Ushbu loyiha reytingda uchinchi o‘rinni egalladi.
Hindiston jamiyatida korrupsiyani yo‘q qilishga kirishgan, ota va o‘g‘il rolini ijro etgan Shohruh Xon ishtirokidagi “Askar” filmining premyerasi 7-sentabr kuni bo‘lib o‘tdi va Bollivud rekordini yangiladi. Red Chillies Entertainment prodyuseri taqdim etgan ma‘lumotlariga ko‘ra, uning hind tilidagi versiyasi Hindistonda 9,4 million dollar, tamil va telugu tilidagi dublyajlari esa yana 1,3 million dollar yig‘gan.
Yanvar oyida prokatga chiqqan “Pathan” hind filmlari bo‘yicha oldingi rekord o‘rnatgan kinokartina bo‘lib, Hindistonda namoyish etilgan ilk kuniyoq 8,32 million dollar va chet elda yana 4,5 million dollar yig‘ib, jami 12,7 million dollarlik jahon prokatiga ega bo‘ldi.
2023-yilda eng ko‘p daromad keltirgan hind filmlari
“Askar” ayni damda “Pathan” (130 million dollar daromad to‘plagan), “Gadar 2” (81 million dollar) va “Qamoqxona” (76,6 million dollar)dan keyin to‘rtinchi o‘rinni egallab turibdi.
Izoh (0)